Суратларни изоҳлаб кунига 100 доллар пул ишлаш мумкинми?

Маслаҳат 18-09-2018

Wired нашриёти Amazon’нинг Mechanical Turk краудсорсинг платформасида пул ишлаб топишни бошлаган аёл ҳақида сўзлаб берди. Кўпроқ буюртмаларга эга бўлиш ва ишни тезроқ бажариш мақсадида у жараёнларни автоматлаштириб, кўпроқ пул ишлай бошлади.

Фото: Pixabay

2010 йилда Кристи Миллэнднинг турмуш ўртоғи ишидан айрилди ва аёл қўшимча даромад излашга мажбур бўлди. Илгари у уй бекаси эди ва eBay’да коллекция буюмлари савдосидан бироз пул топарди. Унда қаҳвахона ёки заводларда ишлаш тажрибаси йўқ эди. Унга ҳатто McDonald’s’да ҳам рад жавобини беришди.

Она шаҳри Торонтода иш топиш қийин бўлгани сабаб Миллэнд Amazon’нинг Mechanical Turk краудсорсинг платформасида ишлаб кўришга қарор қилди.

Ҳар ойда 20 минг янги ҳайдовчини иш билан таъминлашини айтиб мақтанадиган Uber’дан фарқли равишда Amazon ўзининг Mechanical Turk майдончасини фаол иш билан таъминлаш жойи сифатида кўрсатмасди. Компания биринчи навбатда дастурчиларга ёрдам бериш учун сайт яратди. Платформадаги вазифаларнинг кўпчилиги сунъий онгни ўргатиш учун зарур эди. Масалан, суратда нима акс эттирилганини ёзиш, контакт маълумот жадвалларини тўлдириш ва сайт учун маҳсулот тасвирланган маълумот тайёрлаш. Mechanical Turk ишчиларнинг хизматлари туфайли баъзи технологиялар ҳақиқий мўъжизанинг ўзгинаси: бир компания таом суратига қараб калорияларни ҳисоблайдиган илова ишлаб чиқди. Бироқ суратда тасвирланган овқатни краудсорсинг платформасидаги одамлар “танишади”.

Миллэнд даромадининг катта қисми бир вақтнинг ўзида юзлаб ва минглаб вазифа эълон қилган иш берувчилардан келарди. Ишни тезлаштириш учун Миллэнд тугмани бир босиш билан суратларни категорияларга ажратадиган (масалан, “с” тугмаси босилса, “сариқ” категориясига кетади, “қ” босилса – “қушлар”) махсус дастурларни ўрнатиб олди. Битта тасвирни маркировка қилиш учун 0,03 доллар, битта суратни 5 сонияда қайта ишлаш орқали соатига 21,60 доллар пул ишлаб топиш мумкин.

Баъзида Миллэнд мураккаброқ ишларни оларди. Масалан, маҳсулотни тасвирлаш учун маълумот  ўйлаб топишга ҳар бир параграф учун 1,50 доллар ишлаш мумкин эди. Агар битта тасвирий маълумот 5 дақиқада ўйлаб топилса, соатига 18 доллар ишлаб мумкин. Муҳими ишни тез ва доимий равишда бажариш лозим.

Фото: Pixabay

Mechanical Turk фойдаланувчилари Turker Nation форумида даромадли буюртмалар ҳақида бир-бирлари билан фикр алмашишади. Миллэнд бу форумнинг модератори эди. Фойдали таклифларни бой бермаслик учун ўзи учун автоматик тизимни яратди. Тизим буюртма тўлов ҳажмини текшириб, энг яхши таклифлар ҳақида хабар беради. Масалан, агар вазифа учун 0,05 доллар тўлашса, жарангдор овоз янграйди, агар 0,05 дан 0,25 долларгача бўлса, кир ювиш машинаси ювишни тамомлагандаги овозли хабар келади, агар буюртмачи 0,25 доллардан кўп таклиф қилса, сирена жаранглайди.

Шундай қилиб, Миллэнд биргина буюртмани ҳам назардан қочирмайди. Mechanical Turk’да минглаб одамлар ўтиришади ва фойдали буюртмани биринчилардан бўлиб олишга ҳаракат қиладилар. Миллэнднинг автоматик тизими бир вақтнинг ўзида кўпи билан 25 та вазифа олади. Аёл уларни ўша заҳоти бажариб, кейингиларини олади.

Миллэнд бажарадиган ишлардан бири Amazon’да суратга қараб маҳсулот излаш. Фойдаланувчи платформага суратни юклаганида ишчи унга керакли маҳсулотга ҳавола юбориши лозим. Зарур бўлган маҳсулотга ҳавола юбориш орқали Миллэнд савдодан фоиз кўринишидаги бонусга эга бўлиши мумкин эди.

Бундан ташқари, Миллэнд мижозларга Mechanical Turk’да вазифалар тузишда ёрдам берар ва маслаҳати учун ҳақ оларди. Аёл кунига 100 доллар ишлаб топишни ўзига мақсад қилганди, кўпинча бунга эришарди.

Бундай ишнинг камчиликлари

Мақсадни амалга ошириш унга осон бўлмади. Баъзида Миллэнд психологик мураккаб бўлган вазифаларни бажаришига тўғри келарди. Масалан, ҳайвонларга нисбатан шафқатсиз муносабат акс эттирилган суратларни тасвирлаш. Бундай вазифларга одатда “катталар аудиторияси учун мўлжалланган вазифалар” белгиси қўйилади. Улар учун одатда яхши ҳақ тўлашади, шунинг учун Миллэнд улар устида ишлаганида бундай сурат руҳият учун қалтис эканини онгли равишда англайди.

Mechanical Turk’да пул ишлаб топиш бир куни аёлнинг саломатлигига ҳам таъсир кўрсатди. Компьютерда ўтириб ишлагани сабаб Миллэндда тунель синдроми ёки пайларнинг сурункали чўзилиши пайдо бўлди. Фрилансерларга касал бўлганида ҳақ тўлашмайди ва аёл таътил ололмади. Шунинг учун ишлашда давом этди.

Фото: Pixabay

Mechanical Turk Миллэнднинг оиласи учун тез пул топишнинг ягона усули эди. Аёлининг молиявий жиҳатдан кўмаги сабаб Миллэнднинг турмуш ўртоғи ўқишга қайтиб, таълим олиш жараёнини тугата олди. Аёл эса таълим ва иш тажрибасисиз пул ишлашга муваффақ бўлди.

Бироқ икки йил ўтгач, Миллэнднинг турмуш ўртоғи янги иш топди. Аёл бошқа ҳеч қачон Mechanical Turk’га боғлиқ бўлмаслик истагини билдирди. Бироз вақтдан сўнг Миллэнд университетга ҳужжатларини топширди.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ