Turli mamlakat kinoteatrlaridagi tomoshabinlar nima iste'mol qilishadi?

  • 20:02 / 09.02.2019
  • 3366

Ko‘pchiligimiz kinoga xushbo‘y shirin yoki sho‘r popkornsiz kirishni tasavvur ham qilmaymiz. Ushbu yegulikning ko‘plab mamlakatlar kinoixlosmandlari orasida mashhurligi hayratlanarli holat emas. Uning o‘ziga jalb etuvchi hidi kinoteatrga kirishimiz bilan dimoqni qitiqlaydi. Shunday qilib, popkorn savdosi kinoteatr egalariga katta daromad keltiradi. Biroq ayrim mamlakatlar tomoshabinlari tamaddi borasida o‘zgacha fikrdalar. Bu yerlarda film ko‘rish vaqtida umuman boshqa yeguliklar iste'mol qilinar ekan. Keling, ular aynan qaysilar ekanini ko‘zdan kechiramiz.

Gretsiyada suvlaki – yangi sabzavotlar va maxsus qayla bilan birga nonga o‘ralgan yog‘li kabobni xush ko‘rishadi.

Isroilda esa vegetariancha variantni afzal bilishadi – no‘xotli qovurilgan kotlet va sabzavotlar iste'mol qilinadi.

Meksikaliklar qo‘lida esa tostilokos nomli yegulik bo‘ladi. Oddiyroq qilib aytganda, bu qaylaga solingan turli qo‘shimchalar – bodring, makkajo‘xori, loviya, yeryong‘oq va boshqalar bilan tortiladigan «nachos»dir.

Xitoy kinoteatrlarida sho‘r qora olxo‘ri va qovurilgan pista ommabop sanaladi.

Niderlandiyalik tomoshabinlar film ko‘rishga o‘zlari bilan qizilmiya qo‘shilgan sho‘r konfetlar olib borishadi.

Janubiy Koreyada yangi filmlarni tomosha qilishga qovurilgan kashtanlar bilan birga kelishadi.

Kolumbiyada esa agar ekzotika ishqibozi bo‘lmasangiz, kinoga borishda tamaddilardan voz kechgan ma'qul. Bu yerda jo‘xori o‘rniga qovurilgan qarsildoq chumolilarni yeyishni yoqtirishadi.

Hindistonda esa o‘zingiz uchun albatta samosa va kartoshkali kotletlar solib tayyorlangan kulchalar – vada pavdan oling. Ular Bollivudning yangi filmlarini tomosha qilish uchun a'lo darajada mos keladi.

Tayvan kinoteatrlarida qovurilgan tovuq go‘shti sotiladi. Bizda ular naggets, bu yerda esa «tovuqli popkorn» deb ataladi. Aytishlaricha, juda mazali bo‘larkan.

Yaponiyada hatto kinoteatrlarda ham dengiz mahsulotlari iste'mol qilinadi. Bu yerda filmni tomosha qilish uchun tomoshabinlar o‘zlari bilan anchous va boshqa quritilgan baliqlarni olibkelishadi.

Barbadosda yanada qiziq taom – un va ziravorlarga belangan baliqli sharchalar film tomosha qilishga yordam beradi.

Teglar