Turli mamlakatlar aholisiga qomatni bir shaklda saqlashda yordam beradigan 8ta kundalik narsa

  • 13:20 / 26.03.2019
  • 8940

Deyarli har bir mamlakatda yuzlab yillar davomida mahalliy aholini mustahkam sog‘liq va o‘zgarmas go‘zallik bilan ta'minlaydigan muayyan taomil va odatlar mavjud. Rossiyada hammomlar zo‘riqishga qarshi kurashishda yordam beradi, Gollandiyada go‘daklik davridanoq velosportga bo‘lgan muhabbat singdiriladi, Isroilda esa dengiz tuzi solingan vanna qabul qilish tavsiya etiladi.

Biz butun dunyodagi odamlarga qomatini bir me'yorda saqlashga yordam beradigan ayrim sirlar haqida hikoya qilamiz.

Gollandiya: velosport

Velosiped Gollandiyada harakatlanishning asosiy vositasi hisoblanadi. Gollandlar dunyodagi eng sog‘lom xalqlardan biri hisoblanadi. VVS yangiliklar xizmati xodimlari velosipedlar bu yerda rasmiy rezidentlarga qaraganda ko‘proq ekanini hisoblashgan.

Bu tabiiy holat, axir hukumat maxsus yo‘llar, to‘xtash joylari va xavfsiz kesishma yo‘llarni qurgan holda shahar bo‘ylab maksimal qulay sharoitlarni yaratishgan. Umuman olganda, gollandlar har kuni bajonidil pedallarni aylantirishadi va Yevropadagi eng sog‘lom xalq ro‘yxatida yetakchilik qilishadi.

Yaponiya: kunduzgi uyqu

Har bir yaponning sog‘lom hayoti bu – birinchi navbatda kunduzgi uyqu.

Katta korporatsiyalar egalari o‘z xodimlariga tushlikdan keyin yarim soatlik uyqu uchun ruxsat berishganida unumdorlik o‘sganini tan olishgan.

Shveytsariya: myusli

Bu foydali taomni 100 yil ilgari iveytsariyalik shifokor o‘ylab topgan. U bug‘doy doni, guruchni suli bilan aralashtirib, limon sharbati va suv qo‘shgan, tongda esa uni yogurt, yong‘oq va mevalar bilan birga tortgan.

Bugun myusli dunyodagi eng mashhur nonushtalardan biri sanaladi. Bu bejiz emas. Axir uning tarkibida ozishga yordam beradigan kletchatka, shuningdek, kun davomida tetiklikni ta'minlaydigan ko‘plab foydali qo‘shimchalar mavjud.

Polsha: uyda tayyorlangan taom

Polyaklarning siri ular oylik kirimining bor-yo‘g‘i 5 foizini restoranga borishga sarflashida. Bu ko‘rsatkich amerikaliklarda deyarli 50 foizga teng.

Polsha aholisining o‘zi esa buni uyda tayyorlangan taom restorandagiga qaraganda ancha sog‘lom va foydali ekani bilan izohlashadi.

Isroil: dengiz tuzi

Dengiz tuzining davolovchi xususiyatlari zaharli moddalardan xalos bo‘lishda yordam beradi, shuningdek, teri kasalliklarini davolashda ham foydali. Aynan shuning uchun ham ko‘plab isroillik dermatologlar ratsionga dengiz tuzini kiritishni maslahat berishadi. Bundan tashqari, dengiz tuzi tarkibidagi kaliy, kalsiy, natriy, brom va yod hujayralarning oziqlanishi, tozalanishini nazorat qilib, asab tizimini tinchlantiradi hamda gormonal almashinuvni muvofiqlashtiradi.

Dengiz tuzining davo ta'sirini kuchaytirish uchun mutaxassislar unga biroz efir moyini qo‘shib, vanna qabul qilishda foydalanishni maslahat beradi. Tuzli vannadan keyin esa qon aylanishini faollashtirish va organ hamda to‘qimalarni to‘yintiruvchi moddalar bilan to‘ydirishda yordam beruvchi kontrast dush qabul qilishni tavsiya qilishadi.

Xitoy: ko‘k choy

Har bir ayol qarishga qarshi turli usullar yordamida kurashadi. Xitoylik ayollarda plastik jarrohlik va ortiqcha moddiy xarajatlar ortidan yugurmasdan vaqtidan ilgari paydo bo‘lgan ajinlarga qarshi kurashishning universal usuli bor.

Ular ko‘k choyni qo‘llashadi. Uning tarkibidagi antioksidantlar terini qarishdan himoya qilish, dog‘larga qarshi kurashish, shuningdek, teri saratonining oldini olishda yordam beradi. Kuniga bor-yo‘g‘i bir finjon – yoshlikning siri ana shunda.

Gretsiya: sog‘lom ovqatlanish

Grek oshxonasi dunyodagi eng sog‘lom va foydali sanaladi.

Tabiiy meva, sabzavotlar, baliq va yaxlit donli non, yorma va zaytun yog‘i kabi foydali yog‘lar ko‘rinishidagi mahsulotlarning xilma-xilligi va to‘yimliligi qat'iy parhezlar ortidan yugurmagan holda go‘zal qomatni saqlashda yordam beradi. Bundan tashqari, O‘rtayer dengizi oshxonasi taomlarini afzal ko‘rganlar sog‘lom yurak va o‘tkir nigohga ega bo‘lishadi.

Bali: kokoslar

Bali ayollari go‘zalligining siri tabiiy in'omlar, aynan kokoslardan foydalanishlarida. Ular kokosdan nafaqat taomlar pishirishadi, balki tanani tonusda ushlab turishga yordam beradigan yog‘lar ham tayyorlaydilar.

Kokos yog‘i tirnoq, teri va sochlarni kundalik parvarishida foydali bo‘lgan universal mahsulot. Kokos suvi mikroblarga qarshi, namlantiruvchi va yallig‘lanishga qarshi xususiyatlarga ega. Bundan tashqari, yog‘ terining qarishi va ultrabinafshaning zararli ta'siridan ideal himoya sanaladi.

Teglar