Уоррен Баффетнинг еттита ҳаётий маслаҳати

Машҳурлар 6-05-2015

XABARDOR.UZ: Машҳур инвестор Уоррен Баффет Richard Ivey бизнес мактабининг MBA дастури талабалари билан учрашди ва уларга бир неча ҳаётий маслаҳатлар берди. Улар қуйидагилардан иборат:

Муваффақият калити ҳиссий барқарорликдир. Бойиб кетиш учун IQ нинг юқори кўрсаткичи керак эмас.

Ўзингизга сармоя қилинг, ўз истеъдодингизни ривожлантиринг ва кучсиз томонларингиз устида ишланг. Инвестиция дейилганида ҳар доим ҳам коллеждаги ўқиш пулини тўлаш тушунилмайди. Менда иккита диплом бор, мен уларни деворга осиб қўймайман, ҳатто қаердалигини ҳам билмайман. Жон Меллор бир тажриба ўтказди: бир гуруҳ талабалар университетга боришарди, қолган иккинчи қисм эса ўз вақтини пляжда ўтказарди. Уларнинг натижалари у қадар фарқ қилмади. Натижа ҳар доим у ёки бу талабанинг ўз сифатларини қай даражада ривожлантиришига боғлиқ бўлган.

Бу пулга қараганда муҳимроқ. Ўз иштиёқингизни аниқланг. Сиз уни кўрганингизда аниқ биласиз. Мен иштиёқи ортидан бориб, муваффақиятга эришмаган битта ҳам инсонни учратмаганман. Отам инсон ўз ички вазифасини билиши ва ҳаётда у билан қанчалик тўғри бораётганини текшириб туриши кераклигини айтардилар. Бу ҳақиқатан ҳам қониқиш олиб келадиган иш билан шуғулланиш имконини беради.

Курсдошларингизни кузатинг. Сифатлари сизга ёқадиган, “сотиб олиш”ни истаган ёки сифатлари сизга хуш келмайдиган, “сотиб юбориш”ни истаган иккита курсдошингизни танланг. Уларнинг сифатларини қоғозга ёзиб чиқинг. Шунга амин бўласизки, улар туғилганидан мазкур сифатларга эга бўлмаган, балки ҳаёт давомида ривожлантирилгандир. Уларни ёзиб чиқинг ва рўйхатга амал қилинг.

Агар сизга бир дона машина танлаш имконияти берилганида қайси машинани танлаган бўлардингиз? Бу ҳаётингиздаги ягона машина бўлар эди. Танангиз билан ҳам худди шундай. У ҳақида қайғуринг, унга яхши ёқилғи қуйинг, у билан яхши муносабатда бўлинг – ҳаётингиз давомида фақат бир дона мавжуд бўлади.

Дарҳақиқат, мен ҳаётдаги энг муҳим қарор – яхши турмуш ўртоғни танлашда деб биламан. Унутманг, Америкада туғилганингиз омадингиздир.

Ўз принципларингизга тўғри келадиган ишни танланг. Сизда қайд қилиш ҳиссини уйғотадиган маданиятга кўникишни истмайсизку. Иштиёқ ҳиссини уйғотадиган ишни топишингиз керак. Бу мураккаб эмас, гап ҳаётингиздаги илк фаолият тўғрисида кетяпти. Унда пул учун ишламанг. Фаҳрланиш ҳиссини уйғотадиган инсонлар билан ишлашингиз керак. Биз бир маротаба яшаймиз. Қаттиқ босим остида ишлагани туфайли натижаларни ўзгартириб, йиллик натижаларни яхшилаш учун махсус рағбатларни ўйлаб топадиган инсонлар билан ишлашдан қочинг. Сизни чорак натижалари бўйича баҳолашларини истмайсизку.

Муваффақиятга эришган инсонларнинг маслаҳатлари ҳаётимизда доим асқотади. Чунки улар омадга эришиш учун узоқ ва баъзида машаққатли йўлни босиб ўтганлар. Уларнинг маслаҳатларига амал қилсак, биз учун фойдали бўлганларини “қулоғимизга илиб олсак” зарар қилмайди.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ