Isroilning Quddus shahrida shaxmat bo‘yicha FIDE jamoalar o‘rtasida jahon chempionati davom etmoqda.

O‘zbekiston shaxmatchilari guruh bosqichining so‘nggi turida Polsha milliy jamoasi bilan 2-2 hisobida durangni qayd etishdi. Bu natija bilan shaxmatchilarimiz B guruhida 1-o‘rin bilan chorakfinal bosqichiga yo‘l olishdi.

Avvalroq, o‘zbekistonliklar guruhda AQSh (2,5-1.5), Isroil (2,5-1,5) va Hindistonni (3,5-0,5) mag‘lub etib, Ozarboyjonga (1,5-2,5) imkoniyatni boy berishgan edi.

Chorak finalda O‘zbekiston milliy jamoasi Ukrainaga qarshi dona suradi. Bellashuvlar bugun, 23-noyabr kuni o‘tkaziladi.

Jahon chempionatida O‘zbekiston milliy jamoasi sharafini GM Nodirbek Yoqubboyev, GM Javohir Sindarov, GM Jahongir Vohidov, GM Shamsiddin Vohidov, IM Abdimalik Abdisalimov va IM Ortiq Nigmatov himoya qilmoqda.

Shaxmatchilarimizga niderlandiyalik Ivan Sokolov sardorlik va murabbiylik qilyapti.

• Jahon chempionati
• O‘zbekiston
• Shaxmat