Uringan poyabzalni yangilashning 6 usuli

  • 14:21 / 09.05.2019
  • 16282

Poyabzalingiz biroz uringani uchun uni tashlab yuborishga shoshilmang, aksincha uning uringan joylarini "qayta ishlash"ga harakat qiling. "Layfxaker" uringan poyabzallarni yangilashning bir necha usulini taklif etdi.

 

1. Tish pastasi

U nafaqat nafasga yengillik bag‘ishlaydi, balki poyabzalingizni ham yangilaydi. Buning uchun poyabzalning muammoli joyiga ozgina tish pastasidan suring va artib tashlang. Shundan so‘ng nam mato bilan arting va quriting.

 

2. Iste'mol sodasi

Agar tish pastasi yordam bermasa, ikkinchi usulga o‘ting. 2 osh qoshiq iste'mol sodasini 10 ml iliq suvga aralashtiring. Poyabzalning uringan joylariga pasta suring va biroz kuting. Agar natija bo‘lmasa, ushbu jarayonni yana bir marta takrorlang. Shundan so‘ng poyabzalni tozalab artib, quriting.

 

3. Idish yuvish vositasi

Bir osh qoshiq idish yuvish vositasini bir litr iliq suvga aralashtiring, ko‘pirtiring va u bilan poyabzalni arting. Shundan keyin toza mato bilan artib tashlang-da, yana bir marta aralashma bilan yuving va quritishga qo‘ying.

 

4. Lak o‘chiruvchi suyuqlik

Kutmagandingiz, to‘g‘rimi? Paxtani lak o‘chiruvchi suyuqlikka botirib, poyabzalning muammoli joyini artib tashlang. Shundan so‘ng unga bolalar talki yoki vazelin surting. Bu usul ayniqsa laklangan poyabzallar uchun ayni muddaodir.

 

5. O‘chirg‘ich

O‘chirg‘ich daftardagi xatolardan tashqari, poyabzalning uringan joylarini ham yangilashga yordam beradi: poyabzalning uringan joyini bir daqiqa davomida o‘chirg‘ich bilan ishqalaysiz. Asosiysi - bunda qattiq o‘chirg‘ichni qo‘llamang, chunki u vaziyatni yanada qiyinlashtirishi mumkin. Eng yaxshi variant - oddiy rangsiz qalamning uchidagi o‘chirg‘ich.

 

6. Vazelin

Laklangan poyabzallar uchun yana bir samarali variant. Ozgina vazelin olib, uni poyabzalga singdirib surtasiz. Shundan keyin uni toza nam mato bilan artib tashlaysiz.

Teglar