Kecha, 13-fevral kuni Germaniyada o‘tkazilayotgan shaxmat bo‘yicha nufuzli “Freestyle Chess G.O.A.T Challenge” turnirining yarim final o‘yinlari start oldi. Unda o‘zbekistonlik grossmeyster Nodirbek Abdusattorov finaloldi o‘yinda 16-jahon chempioni norvegiyalik Magnus Karlsenga qarshi bahs olib bordi.

Qora donalarda harakatlangan Abdusattorov yakunda raqibiga imkoniyatni boy berib qo‘ydi. Ikkinchi yarim finalda amerikalik Levon Aronyan hamyurti Fabiano Karuanadan ustun keldi.

Bugun, 14-fevral kuni yarim finalning javob o‘yinlari bo‘lib o‘tadi. Abdusattorov-Karlsen o‘rtasidagi bahs Toshkent vaqti bilan 17:00 da boshlanadi.

• Nodirbek Abdusattorov
• Shaxmat