Xalq ardog‘idagi xonanda Alisher Fayz (Turdiyev Alisher Bahodirovich) 1984-yil 27-yanvarda Namangan viloyati, Chortoq shahrida tavallud topgan. O‘zbekistonda xizmat ko‘rsatgan artist Alisher Fayz haqida qiziqarli faktlarni taqdim etamiz.
- 1994-2001-yillar davomida “Gliyer” nomidagi musiqa maktabida dutor bas mutaxassisligi bo‘yicha taxsil olgan.
- Ozodbek Nazarbekov ijodiga bo‘lgan qiziqish Alisherni bo‘lajak ustozi yoniga yetaklab kelgan.
- 2001-2005-yillarda O‘zbekiston Davlat konservatoriyasida o‘qish bilan bir qatorda ustozi ko‘magida mustaqil ijod qila boshlagan.
- Alisherni ilk bor 2005-yil 15-16-may kunlari ustozi Ozodbek Nazarbekov “Yuragimda kuylaganim sen” deb nomlangan konsert dasturida katta sahnaga olib chiqdi va shu dasturda u o‘zining “Meni kechir” nomli taronasini ijro etgan.
- 2007-yilda “Ko‘ngil istab…” nomli ilk qo‘shiqlar to‘plamini Alisher Fayz taxallusi bilan muxlislarga taqdim etdi.
- 2008-yil 21-22-may kunlari “Istiqlol” san’at saroyida “Umidim sendan…” nomli ilk yakkaxon konsert dasturi muxlislar olqishiga sazovor bo‘ldi.
- 2009-yilda “Nigohingga ol”, 2010-yilda “Senga talpinib”, 2011-yilda “Yaxshiyam siz bor”, 2012-yilda “Sening bolangman!”, 2021-yilning, dekabr oyida “Xalqlar do‘stligi” san’at saroyida “Yurak so‘zi” deb nomlangan konsert dasturini taqdim etdi.
- Alisher Fayz uch farzandning otasi. O‘g‘li Xolidbek va qizlari Zinnuraxon, Shirin. Ukasi Xurshid Turdiyev ham xonandalik sohasida faoliyat yuritadi.
Xonanda: “Hayot – kichkina ko‘rpachaga o‘xshaydi, bir tomonini torsang boshqa tomoni ochiladi…”, deydi hayot to‘g‘risida.
- 2012-yil 27-avgust kuni Alisher Fayz O‘zbekiston Respublikasi prezidenti farmoni bilan O‘zbekiston Respublikasida xizmat ko‘rsatgan artist unvoni bilan taqdirlandi.
Xonandalikdan tashqari iste’dodi: she’r yozadi, bastakor;
Xobbisi: futbol to‘plarini yig‘ish;
Yoqtirgan taomi: palovxonto‘ra;
Yoqtirgan rangi: barcha ranglar. Ayniqsa, oq va qizil;
Sahnadagi odati: hayajonlanganidan qo‘li bilan oyog‘ini urib turadi;
Shiori: “Ish boshqa, hayot boshqa”.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!