Belorussiyada deputatlar terrorchilik hujumiga urinish uchun o‘lim jazosi joriy etilishi to‘g‘risidagi qonun loyihasini qabul qildi. Bu haqda Belarus parlamenti quyi palatasi matbuot xizmati ma’lum qilgan.
“Belarus Respublikasining jinoyat kodeksiga o‘zgartirishlar kiritish to‘g‘risida”gi qonun loyihasi ikki o‘qishda qabul qilindi”, – deyiladi Vakillar palatasi matbuot xizmati bayonotida.
Qonun loyihasi buzg‘unchi unsurlarga nisbatan to‘xtatuvchi ta’sir ko‘rsatish, shuningdek, davlatning terrorchilik faoliyatiga qarshi qat’iy kurash olib borishini namoyish etish maqsadida tayyorlangan. Xususan, qonun loyihasida Jinoyat kodeksiga terrorchilik harakatlariga urinish uchun o‘lim jazosini qo‘llash taklif etilgan.
Ma’lumot uchun, avvalroq Belarus Oliy sudi NEXTA norasmiy guruhini terrorchi tashkilot deb tan olgan va mamlakatda faoliyatini taqiqlagan edi. Shuningdek, NEXTA Live va Luxta tashkilotlarining tarkibiy bo‘linmalari ham terrorchi deb tan olingan
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!