“Uzbekistan Airways” aviakompaniyasi “Yorqin payshanba” aksiyasi doirasida 9-may kuni Toshkent, Buxoro, Nukus va Samarqanddan qator xalqaro reyslarga 20 foizli chegirma taqdim etmoqda. Bu haqda kompaniya matbuot xizmati xabar berdi.
Qayd etilishicha, bir kunlik aksiya davomida quyidagi aviaqatnovlarning tariflaridan 20 foizli chegirma beriladi:
Toshkentdan Mumbayga va ortga;
Buxoro, Nukus, Samarqanddan Istanbulga va ortga.
Aksiya faqat bir kun — 9-may kuni soat 00:00 dan 23:59 gacha amal qiladi. Chiptalarni kompaniya rasmiy veb-sayti orqali xarid qilish mumkin.
Yo‘lovchi va yuk tashish tariflariga qo‘shimcha ravishda turli soliqlar, yig‘imlar va to‘lovlar ham o‘rnatiladi. 20 foizlik chegirma yig‘imlar, soliqlar va boshqa qo‘shimcha to‘lovlar uchun amal qilmaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!