2024-yilning yanvar-mart oylarida O‘zbekiston xorijga qiymati 219,8 mln AQSh dollariga teng bo‘lgan 375,3 ming tonna meva va sabzavotlar eksport qilgan. Bu haqda statistika agentligi xabar berdi.

Qayd etilishicha, bu ko‘rsatgich 2023-yilning mos davri bilan solishtirilganda 72,5 foizga yoki 157,7 ming tonnaga ko‘paygan.

Meva-sabzavot mahsulotlarining asosiy eksport bozorlari Pokiston (26,2 %), Rossiya (25,1 %), Qozog‘iston (10,5 %) va Xitoy (9,2 %) davlatlari hissasiga to‘g‘ri kelgan.

2024-yilning yanvar-mart oylarida meva-sabzavotlar eksporti ulushi jami eksportning 3,4 foizini tashkil etgan.

• Meva
• statistika