Qirgʻiziston bosh vaziri Oqilbek Japarov yigʻilishlardan birida maxsus bayonot bilan chiqdi: u rasmiylarga to‘yga borishni taqiqladi. Bu haqda “Zakon.kz” xabar berdi.

Vazirlar Mahkamasi rahbarining soʻzlariga koʻra, Prezident Sadir Japarovning barcha farmon va topshiriqlari oʻz vaqtida va samarali bajarilishi shart.

Shu bois, u davlat rahbarining toʻy vaqtida chorvalarni soʻyish va isrofgarchilikni taqiqlovchi qaroriga alohida toʻxtalgan.

Maʼlumot uchun, 2022-yilda Qirgʻiziston prezidenti tadbirlar vaqtidagi cheklovlar toʻgʻrisidagi qonunni imzolagan edi. Undan koʻzlangan maqsad fuqarolarning ijtimoiy-iqtisodiy turmush darajasini oshirish, shuningdek, jamiyatdagi maʼnaviy muhitga salbiy taʼsir koʻrsatuvchi diniy marosimlar va boshqa tadbirlarni oʻtkazishda isrofgarchilikning oldini olishdan iborat.

• Qaror
• Qirg‘iziston
• Qonun