Turkiyaning Izmir shahrida 2-3-may kunlari Turon xalqaro kinofestivali bo‘lib o‘tdi. Unda O‘zbekistondan Eldor Qudratillayev “Dunyo va men” hamda Dmitriy Lebedev “Uzum ta’mi” nomli qisqa metrajli filmlari bilan ishtirok etdi.
Tanlov yakuniga ko‘ra, Dmitriy Lebedevning “Uzum ta’mi” nomli filmi “Eng yaxshi qisqa metrajli film” deb topildi. Shuningdek, Madaniyat vazirligi huzuridagi Kinematografiya agentligi direktori Firdavs Abduxoliqov “Kino san’atiga qo‘shgan hissasi uchun” mukofoti bilan taqdirlandi.
Festivalda turkiy xalqlar kino ijodkorlari, Qozog‘iston, Qirg‘iziston, Turkmaniston, Turkiya, Eron, Ozarbayjon va Fransiya, Vengriyadan nomzodlar qatnashdi.
Ma’lumot uchun, “Uzum ta’mi” filmida rollarni taniqli aktyor Farhod Mahmudov nomidagi kinoustaxona aktyorlari Dilyor Fozilov va Roziya Raimqulova ijro etgan. Ssenariy hammuallifi va rejissyor yordamchisi BDKI Toshkent filiali talabasi Aleksandr Amelin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!