Samarqandda mast holatda bo‘lgan turmush o‘rtog‘ining qo‘l-oyoqlarini arqon bilan bog‘lab, ustiga benzin sepib, tiriklayin yoqib yuborgan 32 yoshli ayolga sud hukmi o‘qildi.
Sud hujjatlarida ko‘rsatilishicha, marhum va qotillikda ayblangan ayol o‘rtasida tez-tez oilaviy janjal sodir bo‘lib turgan. Sudlanuvchi ayolning ta’kidlashicha, marhum oxirgi paytlarda uyga pul olib kelmay qo‘ygan va ayolini boshqa erkaklar bilan gaplashayotganlikda ayblagan.
Voqea sodir bo‘lgan kuni eri ayolini bir shapaloq urgani uchun ayol bolasini olib chiqib ketib, uyga spirtli ichimlik bilan qaytgan. Mastlikda shapaloq zarbidan g‘azablangan ayol erining qo‘l-oyoqlarini bog‘lab, tanishiga benzin buyurtma qilgan.
Ayol uyda shirakayf holatda uxlayotgan erining ustiga benzin sepib yoqib yuborgan.
Sud hukmiga ko‘ra, ayol JKning 97-moddasi 2-qismi “v, d, j” bandlarida nazarda tutilgan jinoyatni sodir etganlikda aybdor deb topildi. Unga JKning 57-moddasini qo‘llab 12-yil muddatga ozodlikdan mahrum qilish jazosi tayinlandi va jazoni umumiy tartibli koloniyada o‘tash belgilandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!