Yevropa Ittifoqi diplomatiyasi rahbari Jozep Borrel Rossiya Navalniyning to‘satdan o‘limi holatlari bo‘yicha mustaqil va shaffof xalqaro tergovga ruxsat berishi kerakligini aytmoqda.
Yevropa kengashi e’lon qilingan bayonotda Borrel muxolifatchining o‘limi uchun javobgarlik Rossiya prezidenti Vladimir Putin va Rossiya hukumati zimmasiga yuklanganini aytgan.
“Yevropa Ittifoqi hamkorlarimiz bilan birgalikda Rossiyaning siyosiy rahbariyati va hokimiyatini javobgarlikka tortish va ularning harakatlari uchun qo‘shimcha sanksiyalar joriy etish uchun barcha sa’y-harakatlarni amalga oshiradi” — degan Borrel.
U Navalniy xotirasiga bag‘ishlangan mitinglarda Rossiyada hibsga olingan barcha odamlarni zudlik bilan ozod qilishga chaqirdi.
Yevropa diplomatiyasi rahbari Navalniy butun umri davomida aql bovar qilmaydigan jasorat ko‘rsatganini va urush hamda Rossiyada bo‘lajak prezidentlik saylovlari fonida “Putin va uning rejimi Navalniydan qo‘rqishganini” ta’kidlagan.
“Yevropa Ittifoqi Rossiyani boshqa barcha siyosiy mahbuslarni, jumladan Yuriy Dmitriyev, Vladimir Kara-Murza, Ilya Yashin, Aleksey Gorinov, Liliya Chanisheva, Kseniya Fadeyeva, Aleksandra Skochilenko va Ivan Safronovni zudlik bilan va so‘zsiz ozod qilishga chaqiradi” – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!