"ВКонтакте", "Яндекс" ва "Mail.RU"да ходимларнинг овқатланиши қандай ташкил этилган?

Компания 10-11-2014

Бугун Россиянинг учта йирик IT компанияси “Яндекс”, “ВКонтакте” ва “Mail.Ru Group” ходимларининг овқатланишлари қандай ташкил этилганлигини эътиборингизга ҳавола этишга қарор қилдик.

"ВКонтакте" матбуот котиби Георгий Лобушкин: Бизнинг ходимларга асосий штабнинг ўзида жуда кўп турдаги егуликлар таклиф этилади. Булар мева-сабзавотлар, шоколад, йогурт ва ўнлаб турли ичимликлардир. Мутахассисларимизнинг тушликларига эса алоҳида эътибор қаратилади.

Бизнинг шахсий ошхонамиз йўқ, шу боис офисимиз атрофида жамоамиз овқатланса бўладиган жуда кўп қаҳвахона ва ресторанлар билан ҳамкорлик қиламиз.

 

Уйда ишлайдиган ходимларимиз эса уйга овқат етказиш хизматидан фойдаланиш имкониятига эга. Бу ҳолда овқатланиш ҳаражатларини компания қоплайди.

Яндекс матбуот хизмати: Ишга жойлашаётганда Яндекснинг ҳар бир ходимига махсус бейж берилади, у билан эса нафақат офисга кириш, балки тушлик ҳаражатларини тўлаш ҳам мумкин.

Ҳар ой компания ушбу бейжга белгиланган миқдорда пул ўтказади, у билан ходим корпоратив ошхоналарда ёки Москвадаги компания ҳамкорлик қиладиган қўшни қаҳвахоналарда овқатланиши мумкин. Уларда таъбга кўра таом танлаш имкони мавжуд бўлади; компаниянинг бош ошхонасида таомнома, албатта, калорияси паст овқатларни ўз ичига олади.

 

Бундан ташқари, компаниянинг ҳар бир қаватида қаҳва, ширинлик, нон, ёнғоқ ва мева билан тамадди қилиб оладиган махсус жойлар ҳам мавжуд.

Mail.Ru Group” PR-директори Ксения Чабаненко: “Mail.Ru Group” ҳафтасига 7 кун 24 соат режимда ишлайди, шу сабабли бу ерда қорин тўйғазиш имкони катта. Ҳар бир қаватда исталган пайт овқатланиб олса бўладиган махсус жойлар мавжуд. У ерларда ичимлик, турли бўтқалар, мевалар, шунингдек, уйидан овқат олиб келишни хуш кўрувчилар учун музлатгич ва микротўлқинли печлар ҳам бор.

Қаҳвани хуш кўрувчилар учун биринчи қаватда “Starbucks” қаҳвахонаси ташкил этилган бўлиб, бундан ташқари ҳар бир қаватда қаҳва-машиналари ҳам ўрнатилган. “Cafeterra” корпоратив ресторанида эрталаб 9 дан овқатланиш, тушлик қилиш ва кечки овқат тановвул қилиш мумкин.

Янги сиқилган шарбатни хуш кўрувчилар учун компанияда витамин-бар ташкил этилган, у ерда ходимлар исталган коктейл ва фрешлар ичиш мумкин.

 

Бироқ “Mail.ru” ходимларидан бири компания офисида овқатланиш учун улар ўз маблағларидан фойдаланишларини маълум қилди.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ