WhatsApp'да видеоқўнғироқлар функцияси пайдо бўлди

Софт 15-11-2016

WhatsApp мессенжери iOS, Android ва Windows платформаларида видеоқўнғироқлар функциясини жорий қилмоқда. Reuters агентлигининг хабар беришича, ишлаб чиқарувчилар видеоқўнғироқлар учун шифрлаш технологиясини қўллашди. Хабарда шундай дейилади:

"Яқин кунларда WhatsApp'нинг бир миллиарддан ортиқ фойдаланувчилари Android, iPhone ва Windows Phone қурилмалар орқали видеоқўнғироқларни амалга оширишлари мумкин бўлади. Биз ушбу янги функцияни қўшяпмиз, чунки матн ва овозли ёзувнинг ўзи етарли бўлмаётганини яхши биламиз. Севимли набирасининг илк қадамлари, хорижда таълим олаётган фарзандининг кечинмалари - бундай муҳим воқеаларни кузатиш имконини ҳеч нарса боса олмайди. Биз бу функцияларни  нафақат қимматбаҳо телефонларни сотиб олишга қурби етадиганлар ёки уяли алоқа кўпроқ ривожланган мамлакатлар учун, балки ҳамма учун бирдек жорий қилмоқчимиз".

Янги функциядан фойдаланиш учун чат ойнасининг ўнг томон юқори қисмидаги камера тасвири туширилган белгини босиш керак. Мулоқот пайтида суҳбатдошлар олд ва орқа камераларни фаоллаштиришлари мумкин бўлади. 

WhatsApp яратувчилари яна бошқа янгиликларни ҳам тайёрлашмоқда: хусусан, янги бета-версияда икки омилли аутен­ти­фи­ка­ция пайдо бўлди.


 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ