Bugun, 30-aprel kuni Tojikistonda koronavirus bilan bog‘liq 15 ta holat aniqlangan. Ularning 10 nafar holat Sug‘d viloyatida aniqlangan bo‘lsa, 5 nafar holat poytaxt – Dushanbe shahrida qayd etildi, deb yozmoqda Asia-plus. 

Ma’lum qilinishicha, hozirda Tojikistonda 2 mingdan ortiq kishitibbiy kuzatuvga olingan.

Bundan tashqari, 4-maydan boshlab Tojikiston universitetlarining 1, 2 va 3-kurs talabalari uchun yozgi ta’til e’lon qilindi. Ularga avvalgi reyting asosida baholanishi rejalshtirilgan. Universitet bitiruvchilari imtihonlarni muddatidan oldin 15-maygacha topshirishlari kerak.

Esalatib o‘tamiz, Tojikiston koronavirus aniqlanmagan kam sonli davlatlardan biri edi. Mamlakatda muntazam ravishda koronavirusni aniqlash bo‘yicha testlar o‘tkazib kelinayotgan edi.