UFC’ning yarim o‘rta vazn toifasi chempioni Kamaru Usmon o‘zining navbatdagi jangini Konor MakGregorga qarshi o‘tkazmoqchi, deb yozadi South China Morning Post.

Qayd etilishicha, o‘tgan yilning dekabr oyida Kolbi Kovingtonni beshinchi raundda nokaut orqali mag‘lubiyatga uchratgan nigeriyalik jangchi Konor MakGregor bilan chempionlik kamari uchun jang qilmoqchi ekanigini ma’lum qilgan.

Shuningdek, uning menejeri Ali Abdulaziz ham “Ey Konor! Senga chempionlik jangi kerakmi? Kel, senga Kamaru Usmonga qarshi jang tashkil qilib beraman. U senga qarshi dastlabki ikki raundda partersiz harakat qiladi”, deb ijtimoiy tarmoqdagi sahifasida yozib qoldirgan.