Bugun, 10-aprel kuni AOKA shtabida Sanitariya-epidemiologik osoyishtalik agentligi direktori Bahrom Almatov ishtirokida brifing bo‘lib o‘tdi.

Brifingda qayd etilishicha, mamlakat bo‘yicha kasallik 94 ta holatda chet elda bo‘lgan fuqarolarda aniqlangan hamda ulardan ketma-ketlikda tarqalgan 440 ta holatda fuqarolar kasalllikni yuqtirgan.

Shuningdek, bugungi kunda xorijdan kelgan 94 nafar fuqarodan tarqalishi mumkin bo‘lgan 100 mingdan ortiq aholining to‘liq ro‘yxati shakllantirilib, har biri bo‘yicha alohida-alohida surishtirish ishlari, profilaktik chora-tadbirlar amalga oshirib kelinayotgani ham ta’kidlandi.  

– Muloqotda bo‘lganlarni tahlil qilganimizda, infeksiya 19 ta oilada qayd etilgani va ulardan oila a’zolariga, qarindosh-urug‘lariga tarqagani aniqlandi, - dedi Bahrom Almatov. – Shuningdek, chet eldan yuqtirib kelgan fuqarolar orqali 40 ta korxona, tashkilotlarda ishlaydigan hamkasblariga yuqtirganlik holatlari ham aniqlangan.