Joriy yilning 20-fevral kuni Toshkent shahar Yakkasaroy tumani Yunus Rajabiy ko‘chasida 81 tup daraxt “Building And Supplies” MChJ tomonidan kesib tashlangan. Va bu haqda turli OAVlarda maqolalar, ko‘rsatuvlar e’lon qilingan edi.

Bugun, 23-fevral kuni Toshkent shahahar hokimligi mazkur hodisaga o‘z munosabatini bildirdi. 

Unda aytilishicha, holat davlat nazoratiga olingan. Poytaxt hokimligi va prokuraturasi hamda barcha aloqador tashkilot va idoralar tarkibida ishchi guruh tuzilgan. Ishchi guruh zimmasiga qisqa muddatda kesilgan daraxtlar o‘rniga kamida 150 ta yangi daraxt ko‘chatlari o‘tqazilishini ta’minlash va qonun buzilishiga yo‘l qo‘ygan shaxslarga nisbatan qonuniy chora ko‘rish yuklatilgan.

Eslatib o‘tamiz, qayta tiklanadigan daraxtzorda 37 ta kashtan, 39 ta chinor, 37 ta sharsimon akatsiya (yoki robinasi Umbrakuliferning boshqa nomi), har biri 3,5 - 4 metrdan 37 pushti daraxtlar o‘tqazilishi belgilangan.