So‘nggi paytlarda Respublikaning turli hududlarida snosga tushgan uylar masalasi atrofida turli voqea-hodisalar sodir bo‘ldi. 
Bugun, 29-fevral kuni IIV matbuot kotibi polkovnik Shohruh Gʻiyosovning Qoraqalpog‘iston Respublikasi Ichki ishlar vaziri, Toshkent shahar va Toshkent viloyati ichki ishlar boshqarmalari hamda viloyatlar ichki ishlar boshqarmalariga hokimiyat va fuqarolarning mulkiy turdagi o‘zaro munosabatlarini hal etish jarayoniga jamoat tartibini saqlash uchun shaxsiy tarkibni jalb etishda qat’iy amal qilishi kerak bo‘lgan bir nechta banddan iborat talabnomasini jo‘natdi.

Unga ko‘ra, jamoat tartibini saqlash uchun shaxsiy tarkibni jalb etishda quyidagilarga qat’iy amal qilinishi shart:

joylarga, muammoli vaziyatlar  va fuqarolarni o‘zini-o‘zi boshqarish organlari tomonidan oldindan muzokaralar o‘tkazilib hal etilganligiga qat’iy ishonch hosil qilgandan keyin chiqish;

joylarda, hokimiyat vakillariga fuqarolar bilan muloqot jarayonida hurmatsizlik qilmaslik larini, noo‘rin va qo‘pol munosabatda bo‘lmasliklarini tushuntirish, aks holda, o‘zlariga nisbatan qonuniy tartibda chora ko‘rilishi bilan qa’iy ogohlantirish; 

aholi va hokimiyat vakillari bilan bo‘lgan munosabatlarda bir yoqlamalikka, shuningdek hissiyotlarga berilish kabi holatlarga yo‘l qo‘ymaslik.

“Unutmang, bizning birlamchi vazifamiz hokimiyat vakillarining aybi bilan kelib chiqayotgan ziddiyatlar va janjallar oqibatini bartaraf etish emas, balki fuqarolarning qonuniy huquq va manfaatlarini taminlashdir”, deyiladi IIV matbuot xizmati rahbari imzolagan xatda.

Xabardor.uz