Mamlakatimizga Turkmanistondan 500 kVli havo tarmog‘i orqali elektr energiya importiga start berildi. 

Bu O‘zbekiston Respublikasi energetika vazirligi tizimidagi “O‘zbekiston milliy elektr tarmoqlari” aksiyadorlik jamiyati va Turkmaniston Respublikasining “Turkmanenergo” davlat elektr energetika koorporasiyasi bilan 2019–2020-yillarda elektr energiyasini import qilish yuzasidan erishilgan kelishuvga binoan amalga oshirildi.

Eslatib o‘tamiz, “O‘zbekiston milliy elektr tarmoqlari” aksiyadorlik jamiyatining joriy yil 29-noyabrda bergan rasmiy bayonotiga ko‘ra, ushbu kelishuvga asosan joriy yilning 1-dekabr kunidan mamlakatimiz elektr energiyasi ta’minotida ijobiy o‘zgarishlar ro‘y berib, tarmoqdagi cheklovlar keskin kamayishi ma’lum qilingan edi.