Bugun, 16-may kuni Xalqaro press-klubning Sirdaryo viloyatidan jonli efirdagi sessiyasi bo‘lib o‘tmoqda.

Mazkur sessiyada Bosh prokuratura Matbuot xizmati rahbari Xayot Shamsiddinov “Sardoba”dagi vaziyat yuzasidan qo‘zg‘atilgan jinoyat ishining dastlabki xulosalarini ma’lum qildi. 

Unga ko‘ra, mazkur jinoiy ish DXX va IIVning tergovchilari tomonidan o‘rganilmoqda.

Tergov jarayonida "Sardoba ishi" bo‘yicha tergov quyidagi versiyalarni o‘rganmoqda: 

-Loyihadagi xatoliklar
-Qurilish me’yorlarining buzilishi
-Ekspluatatsiya jarayonidagi xatoliklar
-Tabiiy ofat
 
Hozirgacha bu ish bo‘yicha 170 nafar shaxs so‘roq qilingan. Sudga oid qurilish ekspertizalari belgilangan.

Eslatib o‘tamiz, joriy yil 1-may kuni Sirdaryo viloyatidagi “Sardoba” suv ombori o‘pirilishi oqibatida suv toshqini yuzaga kelganligi holati yuzasidan JKning 207-moddasi 1-qismi va 258-moddasi 2-qismi “b” bandi bilan jinoyat ishi qo‘zg‘atilgan va jinoyat ishi yuzasidan tergov harakatlarini olib borish DXX organlariga yuklatilgan.