Xalq deputatlari Mirishkor tuman Kengashining navbatdan tashqari sessiyasida tuman hokimi Baxtiyor Rajabov lavozimidan ozod qilindi, deb xabar bermoqda viloyat hokimligi matbuot xizmati.

Yig‘ilishda Prezidentning kadrlar bo‘yicha maslahatchisi Sherzod Kudbiyev ham ishtirok etdi.

Sessiyada nutq so‘zlagan viloyat hokimi Zoir Mirzayev Baxtiyor Rajabovni xalq bilan hisoblashmaslikda ayblagan.

Baxtiyor Rajabovning o‘rniga Qarshi tumani hokimi lavozimida ishlab kelgan Gʻayrat Begaliyev tayinlandi.

Eslatib o‘tamiz, 2-mart kuni ijtimoiy tarmoqlarda Qashqadaryo viloyati Mirishkor tumani hokimi Baxtiyor Rajabovga tegishli audioyozuv tarqalgandi. Audioyozuvdan ma’lum bo‘lishicha, voqea tuman hokimi va mahalla raislari ishtirokidagi yig‘ilishda bo‘lib o‘tgan.