Italiyaning C seriyasi vakili “Pyaneze”ning 22 yoshli professional futbolchisi koronavirusni yuqtirib olgani ma’lum bo‘ldi.
Ma’lum bo‘lishicha, 23-fevral kuni uning jamoasi “Yuventus”ga qarshi o‘ynagan, ammo sportchi isitma va tobi aynishi sababli uchrashuvda qatnashmagan, keyinroq uni karantinga olishgan.
OAVga ko‘ra, shifokorlar tez orada undan test olishgan va natija ijobiy chiqqan. Uni darhol infeksion bo‘limga olishgan. Hozirda uning axvoli yaxshi ekanligi aytilmoqda.
Aniqlanishicha, futbolchi mehmonxonada o‘zini yomon his qilgan. Oqibatda “Pyaneze”ning barcha a’zolari karantinga olingan.
“Yuventus” esa futbolchilari orasida koronavirus alomatlari kuzatilmaganini, shunga qaramay endi ularning holatini kuzatishini ma’lum qilgan.