Prezidentning joriy yil 4-oktabrdagi qarori bilan, 2020-yil 1-yanvardan boshlab NNTni davlat ro‘yxatidan o‘tkazish uchun davlat boji stavkalari pasaytiriladi. Bu haqda Adliya vazirligi yozmoqda.
Respublika, viloyatlararo nodavlat notijorat tashkilotlari (NNT)ni davlat ro‘yxatidan o‘tkazish uchun undiriladigan davlat boji stavkalari bazaviy hisoblash miqdorining 4 baravaridan 3 baravarigacha, viloyat NNT uchun – bazaviy hisoblash miqdorining 2 baravaridan 1 baravarigacha pasaytiriladi.
Faoliyatini tuman (shahar), shaharcha, qishloq va ovul hududida olib boradigan NNT davlat ro‘yxatdan o‘tkazish uchun davlat boji stavkasi bazaviy hisoblash miqdorining 50 foizi miqdorida belgilanadi.
NNT va fuqarolik jamiyati boshqa institutlarining faoliyatini davlat tomonidan qo‘llab-quvvatlashga davlat grantlari, subsidiyalar va ijtimoiy buyurtma shaklidagi mablag‘lar Qoraqalpog‘iston Respublikasining respublika byudjeti, viloyatlarning viloyat byudjetlari va Toshkent shahar byudjeti, shuningdek, tuman va shaharlar byudjetlarining xarajatlariga qo‘shiladi.
Ma’lumot o‘rnida aytish joizki, Adliya vazirligi nodavlat notijorat tashkilotlarining faoliyatini rivojlantirish sohasida davlat siyosatini yuritish, ularning davlat organlari va tashkilotlari bilan o‘zaro hamkorligini tashkil qilishga ko‘maklashuvchi mas’ul organ hisoblanadi.
Eslatib oʻtamiz, 2019-yil 1-sentyabrdan boshlab bazaviy hisoblash miqdori 223 000 soʻm etib belgilangandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!