Hozirda shunday ishlar ham borki, bu ishlar bilan shug‘ullanish uchun har kuni ishxonaga borishning keragi yo‘q. Faqat bu yumushlarning qaysi biri bilan shug‘ullanishni tanlashingiz va malakaga ega bo‘lishingiz kifoya. Quyida uyda o‘tirib ham daromad topish mumkin bo‘lgan eng yaxshi ishlar ro‘yxati bilan tanishasiz.

Veb-dasturchi

Vazifasi: kompaniyalar saytlarini yaratish va qo‘llab-quvvatlash 

Malakasi: HTML, CSS, JavaScript, ASPx, PHP, SOAP, C# va boshqa dasturlarni bilish 

Daromad miqdori: oyiga 2000 dollardan boshlab

Nimasi yaxshi: bu ish hech qachon o‘lmaydi. Inson faoliyatining deyarli barcha jabhalari hozirda onlaynga ko‘chmoqda (yoki ko‘chib bo‘ldi). Mavjud loyihalarning to‘g‘ri ishlashini kuzatish va yangilarini yaratish qiziqarli ish. Aynan veb-dasturlashda daromad eng yuqori hisoblanadi. 

Tarjimon

Vazifasi: tarjima qilish 

Malakasi: bir-ikkita xorijiy tilni yaxshi bilish 

Daromad miqdori: oyiga 1200 dollardan boshlab

Nimasi yaxshi: tarjimonlik butun umr bag‘ishlanadigan kasblardan biri. Tilni birdaniga va bir umrga o‘rganib olish osonmas. Doimo takrorlash, mashq qilish, chet tili bilan shug‘ullanish talab etiladi. Chet tilini yaxshi biladiganlar daromad borasida ham, ish joyi haqida ham xavotirlanmasalar bo‘ladi: mohir tarjimonga hamisha ish tayin. 

Yozuvchi

Vazifasi: yozish

Talab: o‘z davrining aqlli, halol, vijdonli va iste'dodli insoni bo‘lish 

Daromad miqdori: o‘ziga bog‘liq

Nimasi yaxshi: bu sohada ish topish oson. Jurnalistika, xorij manbalarida chop etilgan materiallarni o‘girish, asarlar yozish – bularning bari yaxshigina daromad keltirishi mumkin. Asosiysi, bema'ni narsalarga chalg‘imaslik va behuda narsalarni yozmaslik. 

Illyustrator

Vazifasi: bir nechta uslubda surat chiza olish  

Malakasi: san'at maktabi, go‘zallikni his qila olish 

Daromad miqdori: oyiga 1400 dollardan boshlab

Nimasi yaxshi: doimo o‘zligini izlash. Illyustratsiya shunchaki pul topish emas, balki hayotning bir qismi, hayot mazmunidir. Bu ish bilan Xudo ilhom bergan insonlar shug‘ullana olishadi.  

Dizayner

Vazifasi: buyurtmachining ko‘ngliga yoqadigan qilib ish bajarish

Malakasi: bir nechta grafika dasturlarini bilish 

Daromad miqdori: oyiga 1400 dollardan boshlab

Nimasi yaxshi: qo‘llaniladigan sohalari ko‘pligi. Hozirgi kunda dizayner faqatgina fotoshopda ishlash bilan cheklanib qolmasligi lozim. Ushbu sohada raqobat shu darajada kuchliki, sahifalashdan tortib mijoz bilan muomalani ham yaxshi o‘zlashtirish darkor. Aynan mana shu narsa daromad miqdorini belgilab beradi. Professional dizayner hattoki o‘z shaxsiy studiyasini ham ochishga qodir bo‘ladi.