Surxondaryo viloyati hokimligi viloyat hokimi To‘ra Bobolovning deputatlikka nomzodini qo‘ygan Xursand Ko‘chayevani nomzodlar ro‘yxatidan o‘chirganligini to‘g‘risidagi xabarni rad etdi.
Viloyat hokimligi matbuot xizmati Surxondaryo viloyati hokimligi 4-dekabr kuni ijtimoiy tarmoqlarda Termiz shahrida yashovchi fuqaro Ko‘chayeva Xursand Rustamovna tomonidan hokimlik uning nomzodini deputatlikka nomzodlar ro‘yxatidan o‘chirganligi to‘g‘risida joylashtirilgan xabar yuzasidan quyidagilarni ma’lum qildi.
Yangi qabul qilingan O‘zbekiston Respublikasi Saylov kodeksiga ko‘ra, endilikda faqat siyosiy partiyalargina Qonunchilik palatasi hamda mahalliy Kengashlar deputatligiga nomzod ko‘rsatish huquqiga ega.
Mahalliy hokimliklar saylovga tayyorgarlik ko‘rish va o‘tkazish jarayonida faqat tashkiliy jihatdan ko‘maklashadi xolos.
Shu nuqtai nazardan, Surxondaryo viloyati hokimi To‘ra Bobolov Xalq deputatlari Termiz shahar Kengashi deputatligiga nomzodlar to‘g‘risida ma’lumot so‘ramagan, nomzod ko‘rsatish jarayoniga umuman aralashmagan.
Ushbuni inobatga olib, Surxondaryo viloyati hokimligi To‘ra Bobolovning Xursand Ko‘chayeva nomzodini deputatlikka nomzodlar ro‘yxatidan o‘chirganligi to‘g‘risidagi xabarni rad etadi. Hokimlik saylovga tayyorgarlik ko‘rish jarayonida Saylov kodeksida nazarda tutilgan tamoyillarga amal qilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!