18-aprel kuni o‘tkaziladigan UFC 249 turniri doirasida Toni Fergyusonga qarshi Konor MakGregor oktagonga chiqadi, deb yozmoqda EssentiallySports nashri.
Habib Nurmagomedov koronavirus sabab mamlakat chegaralari yopib qo‘yilgani uchun jangda ishtirok etolmasligini bildirgandi.
Shu sababli UFC prezidenti Dana Uayt Konor MakGregorga Fergyusonga qarshi jang o‘tkazish taklifini bergan. Tomonlar 30 daqiqadayoq kelishuvga erishgan.
Ta’kidlanishicha, MakGregor ushbu jang uchun 50 million dollar so‘ragan.
Dana Uayt Irlandiya hukumati bilan MakGregorni mamlakat tashqarisiga chiqarish bo‘yicha maxsus kelishuvga erishgan.
Faqatgina Konor mamlakatni tark etishdan oldin koronavirus uchun test topshirishi kerak. Agar unda virus aniqlanmasa, Amerikaga uchib ketishga ruxsat beriladi.
Shuni ta’kidlash kerak, jang o‘tkaziladigan joy noma’lumligicha qolmoqda.
Oldinroq Habib Nurmagomedovning o‘rniga Fergyuson bilan Dastin Porye jang qilishi mumkinligi haqida xabar bergandik.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!