Bugun yarim tunda Birlashgan Arab Amirliklarining poytaxti Abu-Dabi shahrida UFC 242 turniri chempionligi uchun jang o‘tkazildi. Unda UFC’ning yengil vaznida jahon chempioni, rossiyalik Habib Nurmagomedov amerikalik Dastin Poryega qarshi oktagonga chiqdi.
Jang Habib Nurmagomedovning to‘liq ustunligida o‘tdi. Uchinchi raund boshida UFC’ning amaldagi chempioni Nurmagomedov raqibini bo‘g‘ib olib, uni taslim bo‘lishga majbur qildi.
Jangdan so‘ng raqiblar an’anaga ko‘ra futbolkalarini almashishdi. Dog‘istonlik sportchi Poryening o‘z liboslari sotuvidan tushgan pullarni xayriya ishlariga sarflashidan xabardorligini ma’lum qilarkan, u ham shunday niyatda ekanini va Poryening futbolkasini sotuvga qo‘yib, undan tushgan mablag‘ni Dastinning xayriya fondiga o‘tkazib berishini aytdi.
Eslatib o‘tamiz, bu Nurmagomedovning karyerasidagi 28-g‘alabasi bo‘lib, u shu paytgacha biror marta mag‘lubiyatga uchramagan.
Habib faoliyati davomida ikkinchi marta chempionlik kamarini himoya qilishning uddasidan chiqdi. Bundan avval u irlandiyalik raqibi Konor Makgregorni muddatidan oldin taslim qilgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!