UFCning yengil vazn toifasidagi chempioni Habib Nurmagomedovning otasi va murabbiyi Abdulmanap Nurmagomedovda koronavirus aniqlandi. Bu haqda Sports.ru nashri xabar bermoqda.

Ta’kidlanishicha, Abdulmanap Nurmagomedov shifokorlar tomonidan taqiqlanganiga qaramay jismoniy mashqlar bilan shug‘ullangan va shundan so‘ng o‘zini yomon his qilgan. Uning koronavirus uchun topshirgan testi ijobiy natija bergan.

Avvalroq Abdulmanap Nurmagomedovga pnevmoniya tashxisi qo‘yilgandi, u koronavirusga tahlil topshirishdan bosh tortgan. May oyida murabbiyning holati yomonlashgan va Moskvaga olib borilgan.