Xitoy yana hayratga solmoqda: dunyodagi eng katta aeroport qanday bo‘ladi?

  • 09:49 / 28.02.2019
  • 2551

Dunyodagi mukammal qurilish obekti haqidagi yangiliklar Xitoydan kelishiga dunyo o‘rganib qoldi. Osmonosti mamlakati iqtisodiyoti tezkor sur'atlar bilan o‘sib bormoqda, aholi va megapolislarning tobora rivojlanishi esa infratuzilma va shahar muhitiga katta mablag‘ kiritishga majbur qilmoqda. Dunyoning yetuk muhandis va arxitektorlari navbatdagi loyihani amalga oshirishda ishtirok etishga shoshilmoqdalar, demak, bu yerda aql bovar qilmas har qanday loyihani ham amalga oshirish mumkin.

Hozirgi kunda Xitoyda navbatdagi ulkan obektning qurilishi jadal sur'atlarda davom etmoqda. U qurilgach, dunyoning barcha rekordlarini qo‘lga kiritadi. Pekindagi yangi xalqaro aeroport binosi yo‘lovchilarni o‘tkazish qobiliyati – yiliga 100 milliongacha kishi ko‘rsatkichi bilan sayyoradagi barcha havo bandargohlarini ortda qoldiradi. Terminaldan shu yilning kuz faslida qisman foydalanila boshlanadi, qurilishning to‘liq tugallanishi esa 2022 yilga mo‘ljallangan.

Pekindagi Dasin aeroporti poytaxt tumanlarining barcha transport oqimlari kesishgan joyga aylanadi, bu esa sayyohlar hayotini maksimal darajada qulay qilishi lozim.

Pekinning chekka hududida ulkan qurilish boshlanishining asosiy sababi: mavjud poytaxt aeroporti tobora o‘sib borayotgan yo‘lovchi oqimini «eplay olmayapti». Havo liniyalaridan tashqari, 700 ming kv.metr maydonda yuqori tezlikdagi temir yo‘llar va avtomagistrallar ham tutashadi. Terminal maydoni yangi rekord sanaladi, aeroport hududining o‘zi esa deyarli 50 km. kmni egallaydi. Bu kabi ulkan obekt evaziga uyi qurilish hududi yoki havo kemalarining shovqinli ta'siriga to‘g‘ri kelgan 20 mingga yaqin aholini ko‘chirishga to‘g‘ri keldi.

Qurilayotgan Pekin aeroporti nafaqat yangi infratuzilma imkoniyatlari, balki batamom betakror arxitektura yechimlari bilan ham qiziqarli. Loyiha muallifi - Zaxi Xadid arxitektura byurosi. U  butun dunyoda joylashgan yorqin, nostandart ishlari bilan dong taratgan. Terminal binosi yulduz shaklida bo‘lib, uning har bir nurida o‘ziga xos mavzu hududi joylashgan bo‘ladi. Uning ichi ham shunga mos tarzda bezatiladi. Terminalning ushbu qismlarini xitoycha bog‘, chinni ishlab chiqarish yoki shoyiga rasm solish milliy an'analari asosida bezatish rejalashtirilmoqda. Ichki dizayn tashrifchilarda ular qayerda ekani borasida hech qanday shubha qoldirmaydi. Qiziqarli interer yechimlaridan tashqari binoda energiya iste'molini kamaytirish uchun tabiiy yoritish va ventilyatsiya imkoniyatlaridan maksimal darajada foydalanilgan.

Teglar