Xitoyda chiqindini yo‘qotish uchun suvaraklar armiyasi yetishtirilmoqda

  • 16:06 / 22.01.2019
  • 3288

 

XXRda chiqindi muammosini g‘aroyib usulda yechishga qaror qilishdi. Mamlakatdagi maxsus zavodlarda chiqindilar bilan boqiladigan milliardlab suvaraklar yetishtirilmoqda. Hasharotlar chiqindi bilan oziqlanishga o‘rganishlari kerak, deya xabar bermoqda Vice.

Tsinan shahrida joylashgan ana shunday «suvarak fabrikalari»dan birida milliard dona suvarak sutkasiga 50 tonna organik chiqindilarni yeb bitiradi. Ozuqa hasharotlarga maxsus quvurlar orqali yetkaziladi.

Xitoylik tadbirkorlar butun mamlakat bo‘ylab suvarak zavodlarini qurish istagida. Hasharotlar o‘lganidan keyin uy hayvonlari uchun ozuqa sifatida yuboriladi. Chunki ularda oqsil ko‘p.

Statistikaga ko‘ra, Pekin aholisi kuniga 25 ming tonnadan ortiq chiqindi chiqaradi. 2017 yilda Xitoy poytaxti aholisi 9 million tonna chiqindi «ishlab chiqargan». Bu ko‘rsatkich har yili o‘sib bormoqda.