Хонангизга зўр кўриниш бериш учун ноодатий ғоялар

Дизайн 4-02-2015

Ўз уйимиз ёки хонамизни қанчалик яхши кўрмайлик, у доим бир хилда бўларкан, эртами, кечми жонимизга тегади. Хонамиздаги ўзгаришлар кайфиятга яхши таъсир кўрсатади. Агар қандайдир ўзгаришлар қилишни истасангиз, кичик жиҳозлардан бошланг. Баъзида ниманидир айлантириб қўйиш, устма-уст тахлаш, ўгириб қўйиш ёки хонага нимадир қўшиш фавқулодда ажойиб натижаларга олиб келади. Баъзида мебель ва унинг маълум қисмларини бўяш орқали гўзаллик яратиш мумкин.

Шахсий расмлар ва хотиралар инсонни зерикиб қолмаслигини кафолатлайди. Мутахассислар шкафларингизда сақлаётган турли жисмларни уйингизга безак сифатида ишлатишни тавсия этади. Устачиликка қўли келишадиган ва бироз бўш вақти бўлган одамлар учун машғулотлар талайгина. Замонавий дунёда улар DIY (Do it yourself) яъни ўз “қўлинг билан бажар” машқлари дейилади. Хонадаги буюмларнинг рангини ва шаклини дидингизга мос равишда ўзгартиришингиз мумкин. Биз қуйида тавсия этаётган баъзи лойиҳалар кўпроқ техникани тушуниш, асбоб-ускуналар ва маҳорат талаб қилиши мумкин. Улар учун уста чақиришдан аввал, дўстларингиз ва қариндош-уруғларингиз ичидан шу ишни қила оладиганлар бор ёки йўқлигини аниқланг. Уларга мурожаат қилиш билан пулингизни тежашингиз мумкин, буни ёдда тутинг.

Энди эса хоналарга янгича муҳит берадиган ғояларни кўриб чиқамиз.

• Хонага диққатни тортиш ва унга илиқлик бағишлаш учун деворни бирор ҳашаматли рангга бўянг.

• Хона безаги учун табиатдан бирор қийшиқ жисмни қўшинг.

• Жавонларда китобларни икки четига тутқичлар ўрнатинг.

• Шифт ва бир-бирига параллел жойлашган икки деворни бир хил рангга бўянг ёки гулқоғоз ёпиштиринг. Қолган икки девор бошқа рангда тураверсин. Бу хонага ностандарт кўриниш беради.

• Хонада яна бир образни яратиш учун бир чеккага оромкурси ўрнатинг. Бу толиққанда тин олиш учун ҳам керак бўлади.

• Бошқалар томоша қилиши учун ўзингизнинг оддий санъат асарингизни яратинг.

• Зиналардан кўтарилиш ва пастга тушишни хотираларга бой расмлар билан янада завқли қилинг.

• Музлатгичнинг кўринишини скотч тасмаси орқали ўзгартиринг.

• “Қўлга тушган” тасодифий буюмлар билан стол ёки стул ясанг.

• Бўш жойни тахтадан ясалган “ҳаводаги жавонлар” билан махсус ҳудудларга ажратинг.

• Классик меъморий майда-чуйдаларни замонавий қилиш мумкин. Бунда бўёқ ёки скотч тасмаси ёрдам беради.

• Гулларни шифтдан осиб тушириб қўйинг ёки баландроқ мебелнинг устига қўйинг.

• Кўримли бўлиши учун барча китоб ва журналларингизни баланд тўплам қилиб тахланг. Бу тартибни ҳам таъминлайди.

• Ошхона ёки ҳаммомда илгак сифатида гулдон ва гуллар кўргазмасидан фойдаланинг

• Оддий кўзгуни бўялган ёки табиий тошлар билан безанг.

• Хонангизда оригинал безак бўлиши учун деворга қўлда ёзиб чиқинг.

• Соҳил кайфиятини берувчи сол кўринишидаги чироқ ясанг.

• Уйингизнинг бир бурчагига катта ҳошияли кўзгу ўрнатинг. У хонани каттароқ қилиб кўрсатади.

• Ётоғингиз тагидан катта сиғимли тортмалар учун платформа қуриб қўйинг.

• Кутилмаган ҳолатларда қўл келсин деб, шифтдан мева ёки гулларга тўлдирилган сават осиб қўйинг.

• Китоб ва бошқа буюмларни сақлаш учун қути ва тахта жавонларни алоҳида жойлаштиринг ва ҳар бирига махсус ранг беринг.

• Дарахт шохларидан нафис парда тутқичлар ясанг.

• Оддий стол ва стулларга бўёқ билан янгича кўриниш беринг.

• Ёруғлик ва поклик бағишлаш учун хонанингиз бўйлаб тувакда ўсимликлар қўйиб чиқинг.

Шуни ёдингизда сақланг, уйингизга муҳаббатингиз янада ортиши ва у зерикарли бўлиб қолмаслиги учун бироз вақт ажратиш керак. Ўзгаришларни ҳаётга татбиқ этишдан аввал эса яхшилаб ўйлашни маслаҳат берамиз. Озгина қийналсангиз ва анча-мунча вақтингиз кетса ҳам, хонангизда ўз қўлингиз билан яратилган ўзгаришларни кўриб, баҳру дилингиз очилади. Ҳамма чарчоқлар чиқиб кетади.

Ўқишни тавсия этамиз:

Уйингизни безатишингиз учун оддий ва чиройли безаклар

Тўртта фарзанди бор оилалар учун уйни жиҳозлашда 21 ёндашув


МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ