Янги Android M’нинг беш ўзига хослиги

Гаджетлар 29-05-2015

Сан-Францискода бўлиб ўтган конференцияда Google Android операцион тизимининг янги версияси – Android M тақдимотини ўтказди. Ўтган йили тақдим этилган Android 5.0 Lollipop тизими ўрнига келаётган янги платформага 200дан ортиқ ўзгаришлар киритилгани маълум қилинмоқда.

Ўтган йили ОС Apple ва Google ўртасидаги қарама-қаршилик натижасида Android 4 ўрнини Android 5.0 Lollipop босди. Ўз навбатида, Apple томонидан тақдим этилган iOS 8 ҳам мухлисларини топди. Ҳатто Apple кичик устунлик билан азалий рақибларини енггани айтилди.

2015 йилда эса конференциялар кетма-кетлиги ўзгарди, ва бу Apple’га қўл келди: WWDC I/O 2015дан сифатсизроқ бўлиши қийин. Ўз навбатида, Google мода яратадиган компания ролини ижро эта олмаслигини кўрсатиб қўйди. Тақдимот маросимидан сўнг ҳатто Android мухлислари ҳам Apple ўтказган тадбир қизиқарлироқ бўлганини эътироф этди.

Google Android M’ни операцион тизимлар тарихидаги энг “силлиқ” платформа сифатида таништирди. Аммо Android тизими фойдаланувчилари янги версияга ўтишга унчалик шошилишмайди. 2015 йил майига келиб Lollipop улуши аранг 10 фоизга етди. Android 4.1 ва Android 4.2 фойдаланувчилари сони эса ҳамон 15.6 ва 18.1 фоизни ташкил қилади. iOS 8 эса 10 фоизлик натижани тақдимотдан бир неча ҳафта ўтибоқ қайд қилган эди.

Янги операцион тизим қуйидаги беш асосий апгрейдга эга:

1. Google Now ёрдамчиси анча “ақлли” бўлиб қолди. У кичик маиший вазиятларда ёрдам бера олади (масалан, самолётингиз нечида учишини эслатиб қўяди). Эндиликда фойдаланувчи тизимнинг ҳар қандай қисмидан ёрдамчига улана олади, ва Google Now мундарижага қараб ёрдамчи маълумотларни узатади.

2. Айрим иловалар ишлашига рухсат бериш. Муҳим функцияларидан яна бири тўпланиб қолган багларни йўқ қилишдир. Эндиликда дастурлар бутун пакетга эмас, алоҳида функцияларга “рухсат сўрайди”. Масалан, фойдаланувчи расмларга киришга рухсат бериши, аммо телефон рақамларини ёпиб қўйиши мумкин бўлади.

3. Android Pay. Ушбу тўлов тизими асосий янгиликлардан бири дея талқин қилинмоқда. Илгариги тизим – Google Wallet – ўзини оқламади. Янги сервис Apple Pay’дан унча фарқ қилмайди – у тўловларни амалга оширишга хизмат қилади, идентификация учун эса бармоқ излари қўлланади.

4. Бармоқ излари сканери. Эндиликда дактилоскопия датчиклари Google операцион тизимларининг расмий унсуридир. Янги Android M бармоқ излари идентификаторини операцион тизим даражасида қўллаб-қувватлайди.

5. Doze режими. Бу режим энергия истеъмол қилишни яхшилашга кўмаклашади. Ушбу электр тежаш технологияси ускунанинг макондаги ҳаракатларини қайд қилиб боради, ускуна ҳаракатдан тўхтаганда эса очилган иловаларни энергия тежовчи иш тартибига ўтказади.

Корпорация вакилларининг ишонтиришича, технология HTC Nexus 9 планшетларида энергияни 2 баробар тежашга ёрдам беради. Кутиш режимида у, iPad сингари, деярли қувват сарфламайди. Android’да ишловчи бошқа ускуналар ҳам маълум даражада энергия тежашнинг уддасидан чиқади.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ