Yangi trend: butilkadagi tuxum

  • 13:04 / 26.03.2019
  • 7363

Tovuq tuxumlarini butilkaga solib sotish g‘oyasi u qadar yangi emas. Bir necha yillar avval Yevropa supermarketlarida tuxumning sarig‘i va oqi hamda faqat oqi solingan butilkalarni uchratish mumkin edi.

Buni taomlarni tayyorlashni soddalashtirish, shuningdek o‘zini yog‘lar iste'molidan cheklaydigan kishilar uchun amalga oshirishgan. Axir ma'lumki, tuxum sarig‘ida yog‘ miqdori ko‘p. Biroq mahsulot ommaviylashmagani uchun ishlab chiqarishdan olib tashlangan edi.

Bugun ishlab chiqaruvchilar butilkadagi tuxumlarni taklif qilishmoqda. To‘g‘ri, unda tabiiy tuxum yo‘q. Idish ichida misol uchun omlet tayyorlash mumkin bo‘lgan o‘simlik xomashyosi bor.

Mahsulot loviyadan tayyorlanadi. Unga raps yog‘i va ziravorlar qo‘shiladi. Bunday parhez tuxumlar qandli diabetdan aziyat chekkan kishilar uchun foydali bo‘ladi. Bundan tashqari, mahsulotdan bolalar ozuqasini ham tayyorlash mumkin, chunki tuxum gipoallergen hisoblanadi.

Tabiiy tuxumning sun'iysidan asosiy farqi nimada? Sun'iy tuxumlarda kaloriya, A vitamini va oqsil kamroq.  

Mahsulot tarkibida pirofosfatlar bo‘lib, u kichik miqdorda iste'mol qilinganida ham zararli. Shunday qilib, mutaxassislar bunday mahsulotni bolalar ratsioniga kiritishdan avval bir necha marta o‘ylab ko‘rishni maslahat berishadi. Yaxshisi avvalgidek tabiiy tovuq tuxumlaridan foydalangan ma'qul.