Японлар кераксиз гаджетларни Олимпия медаллари ясаш учун топширишмоқда

Гаджетлар 9-03-2019

2020 йилда Японияда бўлиб ўтадиган ёзги Олимпия ўйинлари тарихга энг экологик номи билан кириб улгурди. Гап шундаки, ғолиб спортчиларга топшириладиган барча медаллар кераксиз электроника буюмларини қайта ишлаш натижасида олинган металлардан ясалади.

Яроқлилик муддатини ўтаб бўлган компьютер техникаси, смартфон ва бошқа юқори технологик қурилмалар утилизацияси борасида бир қатор муаммолар мавжуд. Чиқиндиларнинг бу тури таркибида мис, қўрғошин, олтин, кумуш ва қимматли эритмалар юқори даражада. Шунинг учун уларни ерга кўмиш атроф-муҳитнинг захарли металлар билан ифлосланишига олиб келади. Шунинг учун бунга йўл қўйиб бўлмайди. Бошқа томондан эса қимматбаҳо ва ярим қимматбаҳо металлар шу каби қурилмаларни ишлаб чиқариш учун иккиламчи хомашёга айланиши мумкин. Ривожланган мамлакатларда муддатини ўтаб бўлган электроникадан қимматли қисмларни ажратиб олиш билан шуғулланишмайди. Улар тўпланиб, қайта ишлаш учун Хитой ёки Африка давлатларига юборилади. Албатта, бу ерда техникани ажратиш ва ундан қимматли қисмларни олишнинг содда усулларидан фойдаланилади. Шунинг учун ҳам бундай утилизациянинг фойдасидан зарари кўпроқ.

Токиодаги бўлажак олимпиада ташкилотчилари яроқсиз гаджет ва электроникани утилизация қилиш муаммосини яна бир бор ёдга солиш, шунингдек мамлакатни электрон чиқиндидан қисман халос этишга қарор қилишди. Жамоат ташкилотлари ҳам ғояни фаол тарзда қўллаб-қувватлади ва бутун мамлакат бўйлаб кераксиз смартфон ва бошқа электрон чиқиндиларни тўплаш пунктлари очилди. Акция давомида 50 тоннадан ортиқ чиқинди тўпланди. Улардан бир неча тонна кумуш ва бронза ҳамда олтин олинди.

Бу каби ташаббус шубҳасиз мусобақалар ташкилотчиларининг ижобий имижини яратади ва бошқалар учун ҳам яхши намуна бўлади. Ахир бундай чиқиндиларни профессионал утилизация қилиш нафақат сайёрани заҳарли чиқиндидан халос қилади, балки ушбу металларни анъанавий усул билан қазиб олишга йўналтириладиган маблағни ҳам тежайди.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ