Йилнинг энг яхши фильми – “Бёрдмэн” қандай суратга олинган

Кино 24-02-2015

“Бёрдмэн” фильми унинг режиссёри Алехандро Гонсалес Иньярриту томонидан тажриба фильми сифатида суратга олинган. Унинг ўзи ҳам бундан нима чиқишини билмаган ва ҳаммага унда шунчаки иштирок этишни таклиф қилган. Майкл Китон “тахминан 11 сонияда” фильмда роль ўйнаш учун розилик берган. Режиссёр томонидан ўз жамоасига қўйилган асосий вазифа – фильмни бир камерада бир дублда суратга олиш эди. Шунингдек, у постановкачи-рассом Кевин Томпсон ва оператор Эммануэль Любецкидан жуда кўп меҳнат қилишни талаб қилди.

1124341

Декорациялар ва фильмнинг монтажи устидаги ишлар Лос-Анжелесдаги репетиция пайтларидаёқ бошланган. Sony компанияси студияси павильонида фильм жамоасига бўлғуси хонанинг ўлчамларини ўзгартириш, яъни йўлакларни узайтириш ёки қисқартириш, хоналарни кенгайтириш ва шу кабиларни бажаришга имкон берадиган декорациянинг ҳаракатчан нусхаси қурилди.

2124345

Актёрлар бунда қандай тезлик билан юришлари кераклигини эслаб қолишлари керак эди, чунки суратга олиш жойида қурилиб бўлинган декорацияни ўзгартириб бўлмасди. Репетицияда, шунингдек, камеранинг ракурслари ва ҳаракатланиши ҳам ишлаб чиқилган. Гоҳида фильмдаги актёрлар ўрнига махсус ёлланган ёрдамчи актёрлардан фойдаланилган. Тасвирга олиш майдончасида суратга олиш ишларининг бошланишига қадар барча кадрларнинг хомаки кўриниши ишлаб чиқиб бўлинган.

3124348

 

Монтаждаги уланиш жойлари қаерда ва қандай тарзда беркитилишини ҳисоблаб чиқиш учун репетиция жараёни суратга олинган ва монтаж қилинган. Яъни тасвирга олиш гуруҳининг Нью-Йоркка келишигача бутун фильм “хомаки вариантда” деярли тайёр бўлган. Бу иш жараёнида фильмдаги диалоглар сайқалланган, сценарий қайта ўзгартирилган ҳамда алоҳида саҳналарнинг ритми ишлаб чиқилган.

4124357

Композитор Антонио Санчес ва Иньярриту

Фильмни суратга олишга майдончасида керакли ритмни ушлаб туриш учун барабанда чалинган мусиқа шаклидаги саундтрек ёзилган. Барабанчи фильмда бир неча жойларда – театр ичида, кўчадаги хиёбонда пайдо бўлади. Мусиқани мексикалик Антонио Санчес ёзган. У Иньярритунинг саҳналарни тасвирлаб беришига мос ҳолда 60 та ҳиссий шаклдаги трек ёзган. Барабан уриши бош қаҳрамоннинг юрак уришини тасвирлаган. “Бу актёрларга керакли кайфиятга, камерага эса саҳна ритмига киришга ёрдам берган”, деб айтади Любецки.

5124358

Фильмдаги воқеалар бир театр биноси ичида бўлиб ўтади. Фильмдаги театр сифатида West 44th Street кўчасида жойлашган Сент-Жеймс тарихий театри олинган. Бироқ ажабланарлиси, айнан шу пайтда ушбу театрда танаффус бўлган: аввалги спектакль томошабинлар орасида муваффақият қозона олмагани учун театр 9 кунга бўш бўлган. Иньярриту ва суратга олиш гуруҳи айнан шу кунлардан фойдаланиб қолган.

6124402

Фильмдаги театр саҳнаси ва унинг асосий кириш қисми – бу ҳақиқатда мавжуд бўлган жойлардир, қолган барча хоналар Квинсда жойлашган Kaufman Astoria Studios киностудияси павильонида махсус қурилган декорациялардан иборат.

7124405

Қурилган декорация суратга олиш жойига ҳеч қандай номутаносибларсиз қуйилиб кетиши ва ўзида зинапоялар, хоналар, йўлаклар ёпиқ лабиринтини тасаввур этиши керак эди. Натижада, фильмнинг постановкачи-рассоми Кевин Томпсон бундай лабиринтлардан уч қаватини қурди.

Декораторлар хоналарни бродвей театрларидаги хоналарга хос бўлган турли эски театр реквизитлари, ғаройиб мебель, бўёқ банкалари ва бошқа майда-чуйдалар билан тўлдирганлар.

8124409

Фильмда театрнинг барча хоналари ўзгариш жараёнида бўлади: у ерда бўлғуси премьерага тайёргарлик ишлари кетаётган бўлади. Ва бу ўзгаришларни кўрсатиш керак эди. Фильмда премьеранинг бошланиши яқинлашгани сари Китоннинг персонажи миясида кўпроқ қўрқув мужассамлаша бошлайди, ҳаттоки хоналар ҳам торайиб, унга босим ўтказаётгандек бўлади. Буларнинг барчасини кўрсатиш керак эди. “Йўлаклар тор, шифтлар эса паст бўлиб қолади, бош қаҳрамон спиртли ичимлик сотиб оладиган дўкон ичида бўлганда дўконнинг жойлашиш ўрни ҳам ўзгариб туради, бироқ томошабинлар буни сезишмайди”.

9124413

 

Ёруғлик манбаи сифатида одатий кинода ишлатиладиган ёруғликдан эмас, балки декорацияга ўрнатилган ёруғликдан фойдаланилган. Фильмда контраст ва кескинликни яратиш учун турли ёруғлик ҳарорати манбаларидан фойдаланилган.

10124416

Ёруғлик умуман катта муаммо бўлди. “Мисол учун, Майкл Китон ўзининг кийиниш хонасида, унинг периметри бўйлаб жойлашган лампочкалар билан ёритилган ойна олдида ўтирган саҳнада бу лампочкалар биз ўрнимиздан туриб хона бўйлаб хонада юрганимизда бир дақиқадан кейин керак бўлмаган сояни бера бошлайди. Шунинг учун табиий кўриниш учун ёруғлик қурилмаси биз билан бирга ҳаракатланган. Камера хонада сузгандек ҳаракатланганда, унинг ёнида ёруғлик мосламасини ҳаракатлантирадиган яна саккизта одам ҳам бирга юрарди. Бу худди балетга ўхшаб кўринарди”, деб айтади фильм оператори Любецки.

11124420

“Суратнинг монтажчилардан бири қизиқ нарсани айтиб берди: биз томда Эмма Стоун ва Эдвард Нортонни суратга олаётганимизда, уларнинг ортидаги бинода Том Хэнкснинг юзи акс этган катта баннер бор эди. Агар биз уни лавҳада қолдирсак, унда томошабинлар бизни атайлаб шундай қилган, деб ўйлашарди. Бу баннер монтаж пайтида алмаштирилди”.

12125139

Монтаж ишлари бутун суратга олиш давомида олиб борилган. Монтажчи Даглас Крайс кун бўйи олинган материални олиб, барча лавҳалар бир-бири билан қандай уланаётганини ва эртанги кунга нималарни суратга олиш кераклигини қараб чиқарди. Бунда Иньярриту монтажчининг кейинги дублда кадрнинг у ёки бу ракурсда олиниши бўйича қабул қилган қарорига бўйсунишга тайёр эди. Иккинчи монтажчи Стивен Миррионе Лос-Анджелесда туриб ишларди ва асосан визуал эффектли кадрларни монтаж қилиш билан шуғулланган.

13125142

Иньярриту монтажчиларга улар нечта ва қаерда монтаж улашларини амалга оширганларини айтишларини тақиқлаб қўйди, бироқ Любецки энг узун дубль 15 дақиқа, қолган кўпчилик кадрлар эса тахминан 10 дақиқадан олингани ҳақида мароқ билан айтади. Фильмни монтаж қилиш учун кўринмас улаш технологиясидан фойдаланилди, уларнинг баъзилари учун эса визуал эффектлардан фойдаланишга тўғри келди.

14125146

Фон тасвирларини суратга олишда фильм оператори Любецки камера объективига яна тўртта GoPro камерасини ўрнатиб, камеранинг бутун йўли давомидаги тасвирларни 360 градусда олишга муваффақ бўлган. Айнан шу кадрлар кейинчалик Китонга ёруғлик тушириш учун ишлатилган. Бу хромакей павильонидаги суратга олиш вақтида фон ёруғлигини актёрда акс эттириш имконини берди.

15125151 16125154

Бёрдмэн кийимининг концепт-дизайни “Оскар” мукофотининг икки марта қўлга киритган Альберт Вольски томонидан яратилган.

17125201

Китоннинг гапларини RED EPIC камераси ёрдамида суратга олинди. Rodeo ходимлари унинг тасвирини актёр юзининг киберсканига акслантиришган.

Яна бир саҳнада Ригган шаҳарга ўзга сайёраликларнинг ҳужуми, қандайдир қанотли мавжудот, вертолёт ва бир талай снарядларни тасаввур қилади. Бу саҳналарнинг бир қисми суратга олиш майдонида олинди ва кейин уларга компьютер графикаси қўшилди. Мисол учун, портлаётган жип пиротехника ёрдамида ҳақиқатда олинди. Сўнгра бу кадрларга снаряд, “унинг думи” қўшилди ва портлашга компьютерда яратилган олов ва учаётган парчалар қўшилиб, портлаш эффекти кучайтирилди.

18125204

Вертолёт ва бошқа портлашлар ҳам компьютерда яратилди. “Биз юқорига қараганда бинода яна бир портлашни кўрамиз. Суратга олинган материалда бор-йўғи тутун бор эди. Сўнгра биз компьютерда бинони қуриб, уни портлатиб, бинодаги қаттиқ объектларнинг парчаланаётганини тасвирлаганмиз. Ғиштлар, ёғоч бўлаклари ва ойна синиқлари ҳам компьютерда яратилди. Саҳна кўринишига тутун ва олдиндан олинган аланга элементлари қўшилди”, — дейди Ханикян.

Ойналар акс этган саҳналар жиддий равишда қайта ишлаб чиқилди, чунки уларнинг сиртида суратга олиш гуруҳининг акси тушган эди.

19125215

Бир неча саҳналарда бош қаҳрамон кўзгу олдида туради ва ойналар исталган вазиятда ҳам ўзида суратга олиш гуруҳини акслантирган. Rodeo ходимлари бу аксларни компьютерда ўчириб чиқишган. Бундай саҳналар жуда мураккаб ишни талаб қилди: олинган материалдан фақат актёр ва унинг акси қолдирилган, қолган ён атрофдаги нарсалар 2,5D усулда бошқатдан яратиб чиқилган. Эффектлар бўйича рассомлар кўзгулардаги чанг ва ғуборни ҳам чизиб чиқишган.

Баъзи кадрларни улаш пайтида кадрларнинг ҳаракатланиш тезлигини ўзгартириш керак бўлган. “Алехандро фильм маълум суръатда боришини истаган. Биз фильмнинг катта қисмида кадлрларнинг ҳаракатланиш тезлигини ўзгартирдик”, — дейди Ханикян.

20125218

 

Натижада 119 дақиқалик фильмнинг қарийб 90 дақиқаси Rodeo студиясида қайта ишланиб, деярли ягона кўринмас эффектдек яратилди. “Энг қизиқарлиси, биз жуда кўп томошабоп блокбастерлар устида ишлаймиз, бироқ бизнинг ишимиз ҳикояни тасвирлашнинг бир қисмига айланадиган айнан шундай фильмлардан кўпроқ завқ оламиз. Одамлар “Бёрдмэн”да қандай кўп сонда визуал эффектлардан фойдаланилганини ҳаттоки тасаввур ҳам қилмайдилар”, — дейди Ханикян.

21125223

 

Фильмнинг яратилиши – суратга олиш ишлари бошланишидан постпродакшн ишларигача қадар бир йил кетди, яъни фильмни тайёр ҳолатга келтириш ишлари 2013 йилнинг бошидан 2014 февраль ойи ўрталаригача давом этди.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ