Yoz ne'matlari – salomatligingiz garovi

  • 07:33 / 01.06.2015
  • 5927

Yoz fasli pishiqchilik fasli hisoblanadi. Shunday ekan, qishki vitamin yetishmovchiligining oldini olish va turli dori-darmonlarga ehtiyoj qoldirmaslik uchun quyidagi mevalarni iste'mol qilishni tavsiya etamiz.

 

Maymunjon

Ushbu rezavor organizmni tozalovchi kletchatkaga juda boy. U shuningdek, S, K vitaminlari manbai bo‘lib, bu vitaminlar prostata saratonining oldini oladi. Uning tarkibidagi lyutein esa ko‘zlar salomatligini ta'minlaydi. Maymunjon qandli diabetda ham foydali.

 

 

Papayya

Papayya ovaqat hazm qilish a'zolari va jigar, gastrit va yaralarda foydali, uning tarkibidagi A va Ye vitaminlari xolesterin va yurak kasalliklariga chalinish ehtimolini kamaytiradi, papain fermenti esa iste'mol qilinayotgan mahsulotlardagi foydali moddalarning organizmga singishiga yordam beradi.

 

Ananas

Ananas ko‘plab foydali xususiyatlarga ega: birinchidan, ovqat hazm bo‘lish jarayonini yaxshilaydi. Ikkinchidan, arterial qon bosimini tushiradi, tiqilmalar paydo bo‘lishining oldini oladi va immunitetni kuchaytiradi. Uchinchidan, uning tarkibidagi bromelin moddasi qorindagi ortiqcha yog‘larni yo‘qotadi va organizmni yoshartiradi.

 

Guava

Egri-bugri olmaga o‘xshab ketadigan bu mevadagi S vitamini apelsin tarkibidagi vitamindan bir necha marta ko‘proq. Shu sababli guava immunitetni a'lo darajada kuchaytiradi va bakteriyalarga qiron keltiradi. Guavani danagi va po‘sti bilan bemalol iste'mol qilish mumkin – u ovqat hazm qilish faoliyatini yaxshilaydi. Bundan tashqari, guava erkaklarning jinsiy quvvatini oshiradi.

 

Tarvuz

Tarvuzning asosiy vazifasi organizmdagi suv me'yorini saqlab turishdir: tarvuz 90 foiz suvdan iborat bo‘ladi. U shuningdek, S, A, B6 va B1 vitaminlari hamda kaliy va magniyning manbai hamdir.

 

Kivi

Yangi Zelandiya ramziga aylangan bu meva ham S vitaminiga boy – bir dona kivi mevasi organizmning bir kunlik S vitaminiga bo‘lgan ehtiyojini qondira oladi. An'anaviy tabobatda kividan revmatik kasalliklar profilaktikasi, buyraklarda tosh paydo bo‘lishining  oldini olish, asabiylikni kamaytirish, erta soch oqarishi va soch to‘kilishida foydalaniladi.

Yuqoridagilardan tashqari, olma, apelsin va banan iste'mol qilishni ham unutmang. Ular ham yozda ko‘p iste'mol qilinishi lozim bo‘lgan mevalar sirasiga kiradi.

Teglar