ZAMONAVIY TeLBALAR

  • 05:28 / 12.01.2015
  • 4825

Shunday odamlar borki, ularni bir qarashda telbalar deb atash mumkin. Chunki ular o‘zlarini juda g‘ayritabiiy tutishadi. Masalan, biror-bir kiyimni kiyishda yoki gap-so‘zlarida odamni taajubga soladigan g‘ayritabiiylik bo‘ladi. Shu sabab bundaylarni xayolparast yoki telba deyishadi. Aslida ham shundaymi?

Bir paytlar buyuk kashfiyotchilaru, dunyoga dovrug‘i ketgan yozuvchi-shoirlarni ham devonalar deb hisoblashgan va klarni ustidan kulishgan. Ammo vaqt o‘tishi bilan ular telba emas, balki daholar bo‘lishgani ma'lum bo‘ldi. U tarix edi. Bugungi kunimizda ham ana shunday insonlar bormi? Bor bo‘lsa ular nimasi bilan mashhur?

Uord Shelli va Aleks Shveder aylana ichiga solingan sichqonning, qanday yugurishi uzoq muddat kuzatishdi. Bunga sabab, nega sichqon aylana ichida tinmay yuguraveradi, degan savolga javob topish edi. Buning uchun ulkan aylana g‘ildirak yasashdi va o‘n kun mobaynida uning ichiga tushib olishib, tinim bilmay aylantiraverishdi. Oxir-oqibat shunday xulosaga kelishdi: “Inson doim harakatda bo‘lish kerak. Shundagina Yer sayyorasidagi mantiq buzilmaydi”.

Shu sabab bo‘ldi-yu, ular balandligi 18 metr bo‘lgan aylana g‘ildirak ichida yashay boshlashdi. Bu qurilmada inson bolasi hayot kechirishi uchun barcha qulayliklar muhayyo: hammo, biohojatxona, yotib orom oladigan karavat, muzlatgich va shunga o‘xshash uy anjomlari. Ular xatto bemalol televizor kurishlari va kitob o‘qishlari ham mumkin. Faqatgina bu qulayliklardan foydalanish uchun xafvsizlik kamarini taqib olishsa bo‘lgani. 

Ularni tomosha qilish uchun har kuni ommaviy axborot vositasi xodimlari tashrif buyurishadi. Uord va Aleks bajonudil ularga intervyu berishadi. Bugungi kunga kelib ularni tomosha qiluvchilar soni tobora ortib bormoqda.

Aleks Shveder yoshligidan o‘ta xayolparast bo‘lgan. Shuning uchun u do‘stlariga qo‘shila olmay qiynalib yurgan. Oradan yillar o‘tib, omad unga kulib boqadi. U Uord Shelli atalmish o‘ziga o‘xshash “telba” bilan tanishib qoladi.

Yashash uchun barcha qulayliklarga ega, ulkan g‘ildirak.

G‘ildirakda yotish uchun karavat ham qurilgan bo‘lib, uni g‘ildirak korpusiga mahkam qilib, yelimlashgan. Jihozlarni boshqa usul bilan qotirish xavfli bo‘lib, g‘ildirak yog‘ochining yorilib ketishiga sabab bo‘lishi mumkin ekan.

Uord Shelli g‘ildirak ichida yashasa ham, internet orqali dunyoda sodir bo‘layotgan yangiliklarni muntazam kuzatib boradi. Uning turli ijtimoiy saytlardagi do‘stlari soni mingdan oshib ketgan.

Maxsus GRAFFdan