Oʻzbekistonlik professional bokschi Bahodir Jalolovning navbatdagi jang sanasi va raqibi rasman maʼlum boʻldi.

Bu xabarni charm qoʻlqop ustasining oʻzi ham tasdiqladi. Probellum promouterlik kompaniyasi mijozi boʻlgan Jalolov 26-noyabr kuni AQShning Kaliforniya shtati Karson shahrida tashkil etiladigan boks oqshomida amerikalik 34 yoshli Kyortis Xarperga qarshi ringga koʻtariladi. Ushbu jang 10 raund etib belgilangan.

Maʼlumot uchun, 28 yoshli Bahodir Jalolov shu kungacha prof boksda 11 ta jang oʻtkazib, ularning barchasida raqiblarini muddatidan oldin magʻlub etgan.

Xarper esa 22 ta jang oʻtkazgan va ularning 14 tasida gʻalabaga erishgan (9 ta nokaut). Qolgan 8 ta jangda magʻlubiyatga uchragan (3 ta nokaut).

• AQSh
• Bahodir Jalolov
• Boks