Oʻzbekiston Milliy Olimpiya Qoʻmitasi matbuot xizmati bu yilgi qishki Olimpiada oʻyinlari ochilish marosimidan nimalar kutish mumkinligi maʼlum qildi.
Unga koʻra, 4-fevral kuni start oladigan Oʻyinlarning ochilish marosimi koʻpchilikda katta qiziqish uygʻotayotgani tabiiy.
Zero, mezbonlar 2008-yilgi yozgi Olimpiya oʻyinlarining tantanali marosimini fantastik oʻtkazgani shunday xulosaga olib kelmoqda. Xoʻsh, bu yilgi marosimdan nimalar kutamiz?
Tadbirning boshlanish vaqti Toshkent vaqti bilan soat 17:00, mahalliy vaqt bilan esa 20:00 da start oladi. 14 yil avval boʻlgani kabi tadbir “Pekin Milliy stadioni” yoxud “Qush uyasi” nomi bilan ham mashhur boʻlgan arenada oʻtadi.
“Olimpiya xartiyasi” haqidagi protokolning 55-moddasiga binoan, marosimda quyidagi tadbirlar oʻtkaziladi:
1. XOQ prezidentining chiqishi va nutqi
2. Milliy madhiya yangrashi
3. Atletlar paradi
4. Kabutarlarning ramziy uchirilishi
5. Olimpiya lavr mukofotining topshirilishi
6. Rasmiylarning nutqi
7. Oʻyinlarning rasmiy ochilishi
8. Olimpiya madhiyasi sadosi ostida XOQ bayrogʻining koʻtarilishi
9. Olimpiya mashʼalasini yoqish
10. Badiiy qism
Keltirilishicha, hozirgi vaqtda marosimning badiiy qismi sir tutiladi. Chunki uning ochiq boʻlishi marosimga boʻlgan qiziqishning tushib ketishiga olib kelishi mumkin.
Qayd etilishicha, xorijiy ommaviy axborot vositalarida bir qator davlat rahbarlarining ushbu marosimga tashrif buyurishi haqida xabarlar tarqalmoqda.
Musobaqaning rasmiy saytida bu borada material eʼlon qilinmagan boʻlsa ham, ishonchli manbalar marosimda Xitoy Xalq Respublikasi Raisi Si Szinpin, Rossiya Federatsiyasi prezidenti Vladimir Putin, Argentina prezidenti Alberto Fernandes, BMT Bosh kotibi Antoniu Guterrish, Kolumbiyaning birinchi xonimi Mariya Ruis kabi rasmiylarning tashrifi haqida xabarlar chop etgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!