Farg‘ona vodiysining tog‘oldi hududlarida sel kelish xavfi bor –O‘zgidromet ob-havo ma’lumotlarini e’lon qildi

  • 14:19 / 16.07.2021
  • 186

O‘zgidromet 16–18-iyul kunlari uchun ob-havo ma’lumotlarini e’lon qildi.

Qayd etilishicha, bugun O‘zbekistonda iyul oyining o‘rtasidagi qiymatlar uchun me’yoridan past bo‘lgan havo harorati bilan chilla uchun xos bo‘lmagan ob-havo kuzatilmoqda.

Respublikaning markaziy va janubi-sharqiy hududlari bo‘yicha kun davomida havoning o‘zgarishi saqlanib turadi, Toshkent, Andijon, Namangan, Farg‘ona viloyatlarida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Havo harorati 30-33 darajani, shimolda va janubda 36-39 darajagachani tashkil etadi.

Shanba va yakshanba kunlari salqin havo massasi O‘zbekiston hududi chegarasidan chetga chiqadi va havo harorati me’yoriy qiymatlargacha ko‘tariladi. Ushbu kunlarda respublikaning barcha hududlarida asosan kam bulutli ob-havo bo‘lishi kutilmoqda. Havo kunduz kunlari 35-38 darajagacha isiydi.

Shanba va yakshanba kunlari, faqat Namangan va Farg‘ona viloyatlarining tog‘li hududlarida, shuningdek, Qirg‘izistonning tog‘li hududlarida, Farg‘ona vodiysi bilan chegaradosh qismida qisqa muddatli yomg‘ir yog‘ishi mumkin. Bu mahalliy yomg‘irlar Andijon, Namangan, Farg‘ona viloyatlarining tog‘ oldi va tog‘li hududlarida sel toshqinlari shakllanishiga sabab bo‘lishi mumkin. 

O‘zgidromet aholini ushbu hududlarda joylashgan dam olish maskanlariga bormaslikni qat’iy tavsiya etmoqda.