22°
Кечаси 10°
50 минг АҚШ доллари эвазига олтин кукунини сотмоқчи бўлган 6 нафар шахслар ушланди. Бу ҳақда Ички ишлар вазирлиги матбуот хизмати хабар берди.
Қайд этилишича, Самарқанд вилоятидаги ҳуқуқни муҳофаза қилувчи органларга икки нафар фуқаролар ариза билан мурожаат қилган.
Аризада Навоий вилоятида яшовчи бир гуруҳ шахслар уларнинг ишончига кириб, 50 минг АҚШ доллари эвазига 11,5 кг. олтин кукунини сотишини ва Самарқанд шаҳрига олиб келиб беришларини айтганлигини маълум қилинган. Шунингдек, ариза муаллифлари ушбу шахсларга нисбатан қонуний чора кўришни сўраган.
Мазкур аризага асосан, Самарқанд вилояти ИИБ ЖҚБ Коррупсия ва иқтисодий жиноятларга қарши курашиш бўлими ва ДХХ Самарқанд вилояти бошқармаси ходимлари ҳамкорлигида, Самарқанд тумани Янгиобод МФЙда тезкор тадбир ўтказган.
Ушбу тадбир давомида 6 нафар шахслар ариза муаллифларига 11,575 кг. олтин кукунини 50 минг АҚШ долларига сотаётган вақтида ҳуқуқ тартибод органи ходимлари томонидан ашёвий далиллар билан қўлга олинган.
Хабарга кўра, мазкур ҳолат юзасидан терговга қадар текшириш ҳаракатлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
