Россия ва Хитой ўртасида икки томонлама ҳамкорликни ривожлантириш бўйича кенг кўламли режалар мавжуд. Бу ҳақда Россия ташқи ишлар вазири Сергей Лавров Хитой ташқи ишлар вазири Цин Ганг билан бугун, 2 март куни G20га аъзо давлатлар ташқи ишлар вазирлари йиғилиши доирасида бўлиб ўтган биринчи шахсий учрашувида айтиб ўтди.
Лавров хитойлик ҳамкасбини ушбу лавозимга тайинлангани билан яна бир бор табриклаб, Цин Ганг “раҳбарлар келишиб олган барча соҳаларда, жумладан, савдо-иқтисодий ва маданий соҳаларда давомийлик ва прогрессив тараққиётни” таъминлашига ишонч билдирди.
“Бизда икки томонлама ҳамкорликни ривожлантириш бўйича жуда кенг кўламли режалар ва Россия ҳамда Хитойнинг халқаро муносабатлар тизимидаги барқарорлаштирувчи омил сифатидаги ролини ҳисобга олган ҳолда, бой ташқи сиёсат дастури бор”, дейди Россия ташқи ишлар вазирлиги раҳбари.
G20 ташқи ишлар вазирлари йиғилиши 1-2 март кунлари Ҳиндистонда бўлиб ўтмоқда. Россия делегациясига Россия ташқи ишлар вазири Сергей Лавров бошчилик қилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!