Хайрия жамғармаларини қўллаб-қувватлашни яхши кўрадиган киноактриса Анжелина Жоли Эрондаги вазиятга эътибор қаратди. У мамлакатда Маҳса Амини ўлими туфайли бошланган норозилик намойишлари фонида аёлларни қўллаб-қувватлаган.

Эслатиб ўтамиз, икки ҳафтадан буён мамлакатда исломий кийиниш қоидаларига риоя қилмагани учун қўлга олинган қизнинг ўлими сабаб норозилик намойишлари бўлиб ўтмоқда. 22 ёшли Маҳса Амини нотўғри ҳижоб кийгани учун ҳибсга олинган. Манбаларга кўра, у қаттиқ калтакланган. Қиз касалхонага олиб кетилган ва у ерда вафот этган.

Анжелина Жоли ўзининг инстаграм саҳифасига қуйидаги постни жойлаштирган.

“Эроннинг жасур ва қўрқмас аёлларига ҳурмат. Ўнлаб йиллар давомида омон қолган ва қаршилик кўрсатганларнинг барчаси бугун кўчага чиқмоқда. Аёлларни қайта тарбиялаш, уларнинг ахлоқий тамойиллари назорат қилиш керак эмас. Уларга зўравонлик ва таҳдидларсиз яшаш ҳамда нафас олиш эркинлиги керак”

• Шоу-бизнес
• қизиқарли