“Apple” компанияси АҚШ Конгресси Вакиллар палатаси спикери Ненси Пелосининг Тайванга яқинда қилган ташрифи муносабати билан янги “iPhone 14”нинг тақдимотини кейинга қолдириши мумкин. Бу ҳақда “GSMArena” нашри хабар бермоқда.
“Apple” компанияси смартфонлар йиғиладиган Хитойнинг Пегатрон компаниясига чиплар етказиб берувчи Тайваннинг ТSМS компаниясининг асосий мижози ҳисобланади. Бироқ, Хитой Коммунистик партияси Тайван инқирози туфайли юк ташиш ҳужжатларида Тайван ёки Хитой Республикасига ҳаволаларни тақиқлади.
Бу, ўз навбатида, жиҳозларнинг бир қисми, агар ҳаммаси бўлмаса ҳам, Тайванга қайтарилиши ва натижада “iPhone 14” ишлаб чиқаришни кечиктириши мумкинлигини англатади. Вазиятнинг бундан ҳам ёмони, Пегатрон вице-президенти ва ТSМS топ-менежерлари Пелосининг ташрифи давомида у билан учрашишган.
“Apple” аллақачон Тайванлик ҳамкорлар билан фавқулодда музокараларга киришган ва барча “Тайванда ишлаб чиқарилган” ёки “Хитой Республикасида ишлаб чиқарилган” ёрлиқларини олиб ташлаш ёки алмаштиришни талаб қилган.
Қайд этилишича, Ҳиндистондаги “Foxconn” заводида бир нечта 6,1 дюймли “iPhone 14” ишлаб чиқарилади: “Apple” биринчи марта жиддий равишда “ишлаб чиқаришни диверсификация қилмоқда”.
Эслатиб ўтамиз, аввалроқ Россия Федерал Монополияга қарши кураш хизмати АҚШнинг “Apple” компанияси бозордаги ҳукмрон мавқейини суиистеъмол қилаётгани ва дастур ишлаб чиқувчилардан фақат “App Store” орқали тўлов талаб қилиб, рақобатни чеклаётгани ҳақида ҳукм чиқарган эди. Бунгача корпорация огоҳлантириш олган ва жиноий ишда айбланувчига айланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!