Буэнос-Айрес ва Аргентинанинг бир қанча провинцияларида республика шимолидаги Атуча атом электр станциясининг ишдан чиқиши туфайли 20 миллионга яқин одам электр энергиясиз қолди.

Қайд этилишича, носозлик юқори волтли электр узатиш линиясидаги авария оқибатида юзага келган. Ҳодисага яқин атрофдаги ёнғин сабаб бўлган.

Атом электр станциясининг биринчи энергия блоки ишида носозлик юз берди. Оқибатда республикадаги 40 фоиз истеъмолчилар электр энергиясисиз қолди. Газетанинг ёзишича, 6 миллиондан ортиқ биноларда электр энергияси йўқолган.

2022 йил ҳолатига кўра, Аргентинада 46 миллион киши истиқомат қилади.

Нашр манбаларининг хабар беришича, авариялар республиканинг бошқа электр станцияларида ҳам содир бўлган. Мамлакат Энергетика вазирлиги “тизимда бир нечта носозликлар қайд этилганини” тасдиқлаган. Департаментнинг аниқлик киритишича, уларнинг сабаблари ўрганилмоқда.

Таъкидланишича, Атом электр станцияси 48 соатдан сўнг ишлай бошлайди. Бироқ мамлакатда электр энергияси ишлаб чиқариш 10 минг МВтга камаяди.

• Аргентина
• Электр энергияси