Бугун, 4 июль куни Австралиянинг энг йирик шаҳри Сиднейда тинимсиз ёғингарчиликлар оқибатида бир қанча чекка ҳудудларни сув босганидан сўнг ўн минглаб шаҳар аҳолисини эвакуация қилиш тўғрисида янги буйруқ чиқарилди. Расмийлар аҳолини келгусида худди шундай об-ҳаво қайта кузатилишидан огоҳлантиришди.
Қайд этилишича, Австралиянинг шарқий қирғоқлари яқинидаги кучли ва паст босимли тизим душанба кунигача Янги Жанубий Уэлс (New South Wales) бўйлаб кучли ёмғирга сабаб бўлади, чунки дам олиш кунлари штатнинг бир неча ҳудудларида тахминан бир ойлик ёмғир ёғди.
Шунингдек, Янги Жанубий Уэлс штатида 30 000 га яқин аҳоли эвакуация қилинмоқда, Сидней ғарбидаги бир қанча уйлар, фермер хўжаликлари ва кўприклар бу йил учинчи марта сув остида қолган. Тинимсиз сув тошқинларидан кейин аҳолида умидсизлик пайдо бўла бошлади.
"Бу шунчаки ҳалокатли ҳолат. Биз ҳаммаси яхши бўлиши ва ўз ўрнига қайтишига ишонмаймиз. Уларнинг аксарияти (маҳаллий аҳоли) охирги сув тошқинидан эндигина чиқиб, уйлари ва бизнесларини қайта тиклаган эдилар. Афсуски, бу яна такрорланмоқда", дейди Камден мери Тереза Федели.
Маҳаллий ОАВнинг хабар беришича, Сидней жанубида электр қуввати йўқолиб, қирғоққа чиқиб кетиш хавфи остида қолган юк кемасидан 21 нафар экипаж аъзосини қутқариш бўйича операция давом этмоқда.
"Кўп ойлар мобайнида тошқин ҳодисасига қарши курашиш анча қийинчилик туғдирди. Бу тошқин эса уни янада қийинлаштирмоқда", - дейди Янги Жанубий Уэлс (New South Wales) бош вазири Доминик Перроттет.
Австралия "тайёрланмаган" эди
Метеорология бюроси маълумотларига кўра, яқин 24 соат ичида Нюкаслдан Сидней жанубигача бўлган Янги Жанубий Уэлс (New South Wales) қирғоқлари бўйлаб 300 км (186 миля) дан ортиқ масофага 100 миллиметр (4 дюйм) ёмғир ёғиши мумкин.
"Биз бугун тушдан кейин ёмғир янада кучайишини кутяпмиз", дейди BoM метеорологи Жонатан Хоу.
Шунингдек, душанба куни NASA ушбу ҳудудда ўз ракетасини учирмоқчи бўлган, лекин ёмон об-ҳаво бунга йўл қўймаган.
"Австралия шимолидаги Арнҳем космик марказидан душанба куни NASA ракетасининг учирилиши ёмон об-ҳаво туфайли 24 соатга чўзилди", дея хабар берди Equatorial Launch Australia оператори.
Федерал фавқулодда вазиятлар вазири Мюррей Ватт ҳудудга кўпроқ ёрдам кучини таклиф қилган, душанба куни ҳукумат сув тошқини оқибатларини бартараф этишда ёрдам бериш учун сунъий йўлдошнинг фавқулодда бошқарув тизими фаоллаштирилишини айтган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!